48:589  589  DE  L'ASCENSION.  590  suietion.  Mais  quand  Iesus  Christ  regne  sur  nous,  nous  n'avons  pas  seulement  un  Roy  qui  est  doue  de  plusieurs  graces  et  excellentes,  mais  qui  regne  sur  nous  pour  nostre  proufit.  Et  de  faict  nous  ne  luy  apportons  nul  proufit  de  nostre  part?  car  nous  ne  le  pouvons  augmenter  non  plus  que  le  diminuer.  Ainsi  nous  voyons  que  ce  que  i'ay  dit  est  bien  vray,  que  nous  sommes  bien-heureux  quand  Dieu  dresse  son  throne  Royal  au  milieu  de  nous  pour  nous  gouverner.  Voyla  donc  de  quoy  nous  sommes  enseignez  en  second  lieu,  ascavoir  de  priser  et  estimer  un  tel  benefice,  quand  Dieu  le  nous  donne.  Or  le  moyen  c'est  par  son  Evangile.  Aussi  voyla  pourquoy  Iesus  Christ  parloit  tant  souvent  de  l'Evangile,  l'appelant  le  Royaume  de  Dieu:  car  si  nous  n'y  adherons,  nous  sommes  rebelles  a  Dieu,  et  sommes  bannis  de  toutes  ses  graces.  Car  nous  n'en  pouvons  estre  participans  iusques  a  ce  que  nous  soyons  reformez.  Ce  que  l'Evangile  fait  en  nous  appelant  a  Iesus  Christ,  et  nous  monstrant  comment  il  faut  que  nous  soyons  regenerez  par  son  sainct  Esprit.  Puis  qu'ainsi  est,  quand  on  nous  presche  l'Evangile,  c'est  afin  que  nous  soyons  reformez  a  Iesus  Christ,  et  que  tout  ce  qui  est  de  nous  soit  abbatu,  et  que  Iesus  Christ  nous  releve  par  sa  grace.  Ce  n'est  donc  pas  sans  cause  que  l'Evangile  est  appele  le  Royaume  de  Dieu.  Et  de  faict,  comme  sans  cela  le  diable  domine,  a  cause  de  quoy  aussi  il  est  dit  le  roy  de  ce  monde:  ainsi  quand  Iesus  Christ  fait  que  son  Evangile  soit  presche  en  un  pays,  c'est  comme  s'il  disoit,  Ie  veux  dominer  sur  vous  et  estre  vostre  Roy.  Mais  ce  n'est  pas  a  dire  que  tous  ceux  qui  sont  au  pays  ou  est  l'Evangile  soyent  suiets  %>  Dieu.  Car  nous  voyons  aussi  comment  de  ceux-la  les  uns  s'eslevent  et  monstrent  l'iniquite  qui  estoit  auparavant  cachee  en  eux,  les  autres  mesprisent  la  doctrine,  et  n'y  a  point  de  fruit  du  Royaume  de  Dieu  en  eux.  Mais  tant  y  a  que  Iesus  Christ  ha  tousiours  quelque  troupeau  la  ou  l'Evangile  se  presche.  Pourquoy  ?  Car  il  n'est  pas  Roy  sans  suiets.  Cependant  nous  pouvons  conclure  que  c'est  un  benefice  inestimable  quand  Dieu  nous  presente  son  Evangile.  Car  que  voulons-nous  plus  que  quand  Iesus  Christ  nous  dit,  Me  voy  ci:  ie  vous  pren  en  ma  charge,  afin  que  vous  soyez  sous  mes  ailes  et  sous  ma  protection.  Que  voulons-nous  plus  que  cela?  Or  par  l'Evangile  nous  avons  tesmoignage  que  tout  cela  nous  est  donne.  Voyla  donc  la  perfection  de  tout  nostre  bien,  moyennant  que  nous  l'entendions.  Au  reste,  il  est  certain  que  quand  Iesus  Christ  nous  introduit  ainsi  en  son  Royaume,  et  nous  recoit  a  soy,  c'est  pour  d'autant  plus  nous  vestir  d'immortalite  et  incorruption,  afin  d'entrer  en  ceste  gloire  qu'il  nous  a  promise.  Quand  donc  nous  recevons  cest  Evangile  c'est  que  nous  entrons  en  ce  Royaume  de  Dieu.