35:589  589-590  NOTICE  PRELIMINAIRE.  Que  pleust  a  Dieu  qu'il  y  en  eust  beaucoup  de  semblables:  la  povre  Eglise  de  Iesus  Christ  en  seroit  grandement  soulagee:  mais  ie  ne  doute  point  que  nostre  ingratitude  n'empesche  que  Dieu  n'envoye  plus  de  Pasteurs  fideles  qu'il  n'y  a  pour  le  present:  car  s'il  s'en  trouve  aucuns  qui  se  veulent  deuement  acquitter  de  leur  office,  et  trancher  la  parolle  de  Dieu  franchement  (comme  S.  Paul  commande)  en  reprenant  les  vices  et  s'opposans  au  mal,  pour  maintenir  l'honneur  de  celuy  par  qui  ils  sont  envoyez,  incontinent  on  leur  met  la  rage  sus,  et  ne  cesse-on  d'abbayer  apres  eux  et  les  calomnier.  Comme  certes  celuy  dont  ie  parle,  pour  sa  syncerite  et  grande  fidelite  dont  il  use  en  l'execution  de  sa  charge,  a  tant  acquis  d'ennemis,  que  ceux  mesmes  qui  ne  le  veirent  ni  l'ouyrent  iamais,  et  ne  leurent  oncques  deux  mots  de  ses  oeuvres,  luy  veulent  mal  de  mort.  Mais  graces  a  Dieu  sa  bonne  conscience  et  le  tesmoignage  qu'il  ha  devant  Dieu  et  ses  Anges,  et  des  fideles  qui  Poyent  iournellement,  que  c'est  a  tort  qu'il  est  ainsi  mai  voulu  des  hommes,  luy  donnent  courage  de  poursuyvre  constamment  l'oeuvre  du  Seigneur.  Il  voit  comme  son  Maistre  a  este  traitte,  et  apres  luy  les  Apostres:  ainsi  il  ne  luy  fait  point  mal  de  marcher  apres  eux,  scachant  que  Dieu  est  puissant  de  garder  son  depost,  et  que  ceux  seront  reputez  dignes  du  Royaume  des  cieux  qui  souffrent  pour  iceluy.  Or  d'autant  que  tous  ne  peuvent  pas  avoir  habitation  en  ceste  Eglise  pour  participer  a  la  pasture  celeste  que  ce  bon  berger  depuis  vingt  ans  en  ca  ne  cesse  d'administrer:  et  qu'il  est  expedient  que  ceux  qui  vienent  nouvellement  a  ceste  charge  voyent  sa  maniere  d'enseigner  pour  l'ensuyvre:  semblablement  aussi  que  ceux  qui  pensent  qu'il  ne  fait  que  mesdire  et  crier  en  chaire  contre  le  Pape  et  les  siens,  et  foudroyer  contre  leurs  traditions,  sans  autrement  exposer  l'Escriture,  ou  bien  qu'il  ne  cesse  d'induire  les  personnes  a  une  liberte  charnelle,  et  a  secouer  le  ioug  des  Rois  et  Princes,  et  toute  suietion,  lisent  ses  predications  a  ce  qu'ils  puissent  veoir  que  c'est  a  grand  tort  qu'on  luy  met  tels  blasmes  sus,  et  oster  la  mauvaise  opinion  qu'ils  ont  conceue  de  luy,  plusieurs  bons  personnages  ont  este  d'avis  d'en  faire  imprimer  quelque  quantite,  et  singulierement  Laurent  de  Normandie,  duquel  le  zele  et  saincte  conversation  est  assez  notoire  de  par  deca,  qui  depuis  dix  ans  en  ca  n'a  cesse  d'employer  toute  son  estude  et  son  bien  a  faire  imprimer  livres  pour  l'edification  de  l'Eglise.  Vray  est  (comme  i'ay  desia  donne  a  entendre  en  la  preface  des  sermons  sur  le  Decalogue)  que  ce  n'est  ne  du  gre  ne  du  consentement  de  l'autheur:  non  qu'il  veuille  empescher  le  bien  et  le  fruit  qu'en  peut  recevoir  l'Eglise,  mais  il  desireroit  que  ses  predications  ne  s'estendissent  pas  plus  loin  que  sa  bergerie:  tant  pource  qu'elles  sont  faites  specialement  pour  ses  brebis,  a  la  capacite  desquelles  il  s'accommode  le  plus  qu'il  peut:  pource  qu'il  luy  semble  qu'un  autre  ordre  et  disposition  y  seroit  bien  requise  pour  estre  ainsi  mises  a  la  veue  de  tout  le  monde:  mais  de  les  re  veoir  pour  les  polir,  outre  ce  qu'il  n'a  pas  le  loisir,  il  ne  s'y  voudroit  iamais  occuper.  Car  quand  il  voudroit  en  mettre  en  avant,  ii  scauroit  bien  faire  des  homilies  toutes  nouvelles  et  mieux  labourees,  sans  remanier  une  chose  par  luy  ia  prononcee  sur  le  champ.  Neantmoins  voyans  le  grand  fruit  qui  peut  revenir  de  telles  predications  ainsi  publiees,  nous  n'avons  pas  craint  de  luy  desplaire  et  desobeir  aucunement  en  cest  endroit,  afin  de  vous  faire  participans  des  excellentes  richesses  desquelles  nous  iouissons  en  ce  petit  anglet  hay  et  deteste  du  monde  comme  pernicieux  et  maudit,  mais  cependant  precieux  devant  Dieu.  Vray  est  que  ce  qui  nous  a  donne  ceste  hardiesse,  c'est  la  liberalite  de  nos  magnifiques  et  treshonorez  Seigneurs,  qui  desirant  l'avancement  de  l'Eglise  de  Dieu,  nous  ont  donne  permission  et  privilege  de  les  imprimer.  Or  voyons  qu'en  une  si  grande  quantite  qu'il  y  en  a  de  recueillis,  nous  avions  a  choisir,  nous*  avons  pense  qu'il  seroit  bon  d'en  mettre  quelque  petit  nombre  en  avant,  afin  que  selon  qu'ils  seront  bien  receus  de  vous,  on  poursuyve  a  en  produire  d'avantage.  Voyci  donc  l'ordre  que  nous  v  avons  tenu.  En  premier  lieu  nous  avons  mis  une  Congregation  sur  te  commencement  de  l'Evangile  selon