32:589  589  SUR  LE  PSEAUME  CXIX.  590  mier  lieu)  quand  David  parle  yci  des  orgueilleux,  ayons  memoire  que  c'est  le  titre  que  l'Escriture  attribue  communement  a  tous  infideles  et  contempteurs  de  Dieu.  Car  d'ou  vient  ceste  impiete  si  vilaine,  et  si  brutale,  quand  les  hommes  ne  plient  point  sous  la  main  de  Dieu,  mais  qu'ils  sont  la  endurcis,  et  s'eslevent  a  l'encontre  de  luy?  Il  faut  bien  qu'il  y  ait  un  terrible  orgueil.  Par  ainsi  donc  ceste  infidelite  donne  comme  des  cornes  a  l'homme  qu'il  se  prise  en  sa  nature  (combien  qu'il  soit  moins  que  rien)  et  cuide  estre  merveilles.  Au  contraire,  notons  qu'il  n'y  a  que  la  seule  foy,  qui  nous  puisse  induire  a  humilite,  et  qui  nous  y  forme,  attendu  ceste  enfleure  qui  est  en  nos  coeurs,  et  que  nous  crevons  de  presomption,  comme  des  crapaux.  Il  n'y  a  rien,  di-ie,  qui  puisse  corriger  ce  vice-la,  que  la  foy.  La  raison  est,  que  la  foy  nous  ameine  devant  Dieu.  Or  quand  nous  cognoissons  quelle  est  la  iustice  de  Dieu,  nous  venons  apres  a-  nous,  et  cognoissons  qu'il  n'y  a  qu'iniquite:  quand  nous  pensons  a  la  sagesse  de  Dieu,  nous  voyons  que  tout  ce  que  nous  avons  cuide  avoir  de  bon  sens,  n'est  que  vanite  et  folie.  Ainsi  donc,  quand  les  hommes  se  mirent  en  ceste  clarte  de  Dieu,  alors  ils  apprennent  qu'ils  ne  sont  qu'ordure  et  puantise,  ils  se  desplaisent  en  eux  mesmes,  et  ont  honte  de  leur  turpitude.  Voyla  comme  l'humilite  procede  de  la  foy.  Et  pourtant,  David  dit,  que  les  orgueilleux,  c'est  a  dire,  les  meschans  et  incredules,  luy  ont  forge  mensonge.  Cognoissons  donc,  que  l'orgueil  s'engendre  avec  les  hommes,  et  qu'ils  l'apportent  au  monde  quand  ils  naissent,  qu'il  croist  et  s'augmente  avec  Paage,  iusqu'a  ce  que  Dieu  Tait  corrige  par  son  sainct  Esprit,  et  par  le  moyen  de  la  foy.  Et  ainsi,  quand  nous  verrons  les  contempteurs  de  Dieu  et  les  meschans  qui  ne  scauront  que  c'est  de  se  renger  a  Dieu,  quand  nous  les  verrons  ainsi  desbordez,  ne  trouvons  point  cela  estrange,  veu  que  c'est  le  cours  de  nature.  Au  reste,  notons  bien,  que  David  alleguant  sa  necessite  a  Dieu,  nous  monstre  par  son  exemple,  que  selon  que  nous  sommes  pressez  de  tentations,  tant  plus  devons-nous  estre  hardis  a  requerir  Dieu  qu'il  nous  subvienne,  qu'il  nous  tende  la  main,  pour  nous  soustenir,  qu'il  ne  permette  point  que  nous  soyons  vaincus.  Et  cecy  est  bien  a  noter:  car  quand  nous  sommes  pressez  de  quelque  tentation,  nous  ne  scavons  que  c'est  de  venir  a  Dieu,  qui  est  le  seul  remede  par  lequel  nos  en  pouvons  estre  delivrez.  Et  ainsi  le  Diable  peut  bien  a  son  aise  trouver  accez  en  nous  pour  renverser  nostre  foy,  puis  qu'elle  est  la  comme  exposee  en  proye,  et  que  nous  ne  daignons  recevoir  le  remede  qui  nous  est  presente  pour  la  garder.  Ainsi  donc,  retenons  l'ordre  que  met  yci  David,  c'est  ascavoir,  que  s'il  y  a  de  grans  combats,  et  bien  rudes,  dont