25:589  589  NOTICE  LITTERAIRE.  590  ment,  comme  un  bien  singulier  appartenant  aux  povres  estrangers,  aux  despens  desquels  ledit  escrivain  estoit  entretenu.  Et  pource  que  les  annees  suyvantes,  le  nombre  des  fideles  s'augmentoit  tous  les  iours  au  royaume  de  France,  et  que  plusieurs  qui  ne  pouvoyent  pas  ouir  la  vive  voix  de  ce  bon  serviteur  de  Dieu  estant  en  chaire,  desiroyent  pour  le  moins  de  voir  par  escrit  ce  qu'il  preschoit  publiquement,  et  prioyent  qu'on  les  en  feist  participans:  pour  ceste  raison  seule  et  sans  autre  esgard,  on  permit  a  Tescrivain  de  bailler  la  copie  des  Sermons  qu'on  luy  demandoit,  afin  que  ceux  qui  les  recevoyent  de  luy,  peussent  faire  leur  profit  de  la  doctrine,  sans  toutesfois  que  cela  portast  a  l'advenir  aucun  preiudice  ne  dommage  aux  povres,  pour  lesquels  les  originaux  estoyent  songneusement  gardez,  comme  il  a  este  dit,  afin  de  les  faire  imprimer  quand  il  plairoit  a.  Dieu  d'en  donner  le  moyen,  pour  le  profit  commun  de  tous:  comme  on  a  fait  aussi  depuis.  La  dessus  aucuns  en  ayant  retire  iusqu'a  en  faire  des  volumes  entiers,  voyans  la  liberte,  que  nostre  Seigneur  par  sa  bonte  et  misericorde  infinie  a  donnee  au  royaume  de  France,  n'ont  point  fait  difficulte  d'en  faire  imprimer  quelques  uns,  non  seulement  au  grand  dommage  des  povres,  ausquels  par  ce  moyen  est  oste  ce  qui  leur  appartient:  mais  aussi  au  desadvantage  de  tous  fidelles:  attendu  que  iamais  telles  copies  n'ont  este  reveues,  ne  collationnees  aux  originaux  qu'on  garde  ici  diligemment.  Qui  est  un  faict,  que  nous  ne  savons  comment  nommer  en  un  mot:  et  en  laissons  volontiers  le  iugement  a  ceux  qui  voyent  ou  cela  tend,  et  quelle  consequence  en  peut  suyvre.  Car  si  la  bride  est  laschee  a  un  chacun  de  faire  imprimer  a  son  appettit  tous  les  sermons,  que  il  pourroit  pretendre  avoir  este  ainsi  recueillis,  et  que  cependant  ils  n'ayent  point  este  collationnez  avec  les  originaux  que  nous  avons  par  de  ca,  qui  empeschera  de  falsifier  la  plus  part  des  vrays  Sermons,  d'y  adiouster,  ou  diminuer,  d'en  rongner  et  tailler  selon  que  la  phantasie  portera?  On  sait  assez  que  ce  n'est  point  chose  nouvelle,  d'abuser  du  nom  des  bons  et  fidelles  serviteurs  de  Dieu.  Si  telle  licence  est  permise,  et  qu'on  face  ainsi  qu'on  a  desia  commence  en  cest  endroit,  qu'en  peut-il  advenir,  sinon  que  la  doctrine  de  salut  sera  comme  en  la  merci  de  ceux  qui  voudront  faire  voler  par  le  monde  tout  ce  qu'il  leur  plaira,  sous  ombre  qu'ils  mettront  aux  titres  le  nom  de  ce  bon  personnage.  Pour  preuve  suffisante  de  ceci,  et  afin  qu'on  ne  pense  pas  que  ce  soit  a  tort  ou  sans  cause,  que  nous  advertissons  de  ce  qui  a  este  dit,  nous  toucherons  briefvement  ce  qui  a  este  fait  depuis  quelque  annee  en  ca,  assavoir  qu'il  s'est  trouve  gens,  qui  sans  aucun  scrupule  ont  bien  ose  faire  imprimer  quelques  sermons  sur  le  prophete  Daniel,  sans  avoir  daigne  voir  l'original,  ni  en  advertir  par  deca.  Et  pour  mieux  couvrir  toute  leur  entreprise,  ils  alleguent  que  ce  qu'ils  en  ont  fait,  est  pour  la  gloire  de  Dieu.  Voire,  mais  il  falloit  que  cela  se  feist  sans  le  dommage  d'autruy.  Et  c'est  merveilles  comment  telles  gens  s'osent  vanter  d'estre  de  la  Religion  reformee.  Car  de  penser  que  ce  soyent  papistes  qui  font  cela,  il  n'y  a  point  d'apparence,  veu  la  hayne  qu'ils  portent  aux  escrits  de  ce  bon  personnage.  Ainsi,  il  n'y  a  nulle  doute,  que  ce  ne  soyent  de  ceux  qui  se  mettent  au  nombre  des  fidelles,  et  des  Eglises  reformees,  et  qui  veulent  estre  veus  grans  Chrestiens.  Mais  nous  en  laissons  iuger  a  tous,  si  c'est  fait  en  gens  craignans  Dieu,  de  prendre  ainsi  ce  qui  appartient  aux  povres  membres  de  nostre  Seigneur  Iesus.  Et  ceci  nous  reduit  en  memoire  un  autre  faict,  duquel  nous  sommes  contraints  aussi  de  nous  plaindre  devant  tout  le  monde,  afin  que  ceux  qui  retiennent  a  leur  escient  le  bien  de  nos  povres,  advisent  de  plus  pres  a  eux,  qu'ils  n'ont  fait  iusques  ici,  et  qu'ils  satisfacent  a  ce  qu'ils  doyvent:  c'est  touchant  ceux  qui  impriment,  ou  font  imprimer  tous  les  iours  et  qui  ont  imprime  par  ci  devant  des  Pseaumes  mis  en  rithme  par  monsieur  de  Beze.  Il  n'y  a  celuy  d'eux  tous,  qui  ne  sache  bien,  qu'ils  ne  peuvent  en  bonne  conscience,  et  ne  doivent  aussi  les  imprimer,  sans  payer  a  nos  povres  ce  qui  fut  promis  et  arreste  (comme  nul  d'eux  ne  le  peut  ignorer)  avant  que  iamais  on  les  imprimast  la  premiere  fois.  Tant  y  a  que  la  plus  part,  voire  quasi  tous  ceux  qui  s'en  sont  meslez,  n'ont  iamais  voulu  rien  payer  de  ce  qu'ils  doivent  iustement,  quelques  remonstrances  qu'on