9:588  temps  estoit  venu  que  Dieu  ne  seroit  plus  adore,  ni  en  Ierusalem,  ni  en  la  montagne  de  Samarie,  mais  par  tout  en  esprit  et  verite  (Iean.  4,  23):  mais  de  vouloir  tirer  de  la  qu'on  ne  doive  plus  user  de  nulle  ceremonie  en  priant,  c'est  trop  sauter  du  coq  a  l'asne.  Car  au  contraire  sainct  Paul,  lequel  nous  doit  estre  suffisant  expositeur  de  la  sentence  de  Christ  (1.  Tim.  2,  8),  commande  de  lever  les  mains  pures  en  tout  lieu.  Voila  donc  une  ceremonie  qui  nous  demeure,  laquelle  n'est  point  des  figures  anciennes  de  la  Loy.  Il  en  recommande  une  autre  par  son  exemple,  c'est  de  plier  les  genoux  en  priant  (Act.  20,  36).  Item,  la  troisieme,  quand  nous  prions  en  public  d'estre  a  teste  descouverte  (1.  Cor.  11,  4).  Car  c'est  bien  raison  que  les  fideles  monstrent  par  signes  exterieurs  quelle  reverence  ils  portent  a  Dieu.  Et  toutes  fois  par  cela  il  ne  se  mesle  point  avec  les  Iuifs.  Qui  plus  est,  entre  les  aides  necessaires  de  nostre  foy  l'Escripture  nous  met  les  prieres  publiques,  par  lesquelles  il  est  requis  de  s'assembler  en  certain  lieu.  Ainsi  quand  sous  ombre  que  le  temple  materiel  de  Ierusalem  a  este  aboli,  on  voudra  mettre  a  neant  toutes  ceremonies  qui  sont  utiles,  ce  sera  faire  une  confusion  brutale,  [page  8]  Mais,  comme  i'ay  dit,  il  y  a  grande  diversite  entre  les  ceremonies  qui  ont  figure  Iesus  Christ  en  son  absence  et  devant  sa  venue,  et  celles  qui  nous  sont  laissees  pour  aide  de  nostre  infirmite.  Car  les  unes  ont  este  des  ombrages  obscurs,  les  autres  conviennent,  et  s'accordent  tresbien  a  la  clarte  de  l'Evangile.  Les  premieres  n'ont  este  que  pour  un  temps:  les  secondes  durent  a  perpetuite.  Par  cela  est  rabatue  l'obiection  frivole  que  met  ce  brouillon  quant  a  l'observation  du  Sabbath.  Car  nous  scavons  qu'en  dit  sainct  Paul  (Coloss.  2,  17):  assavoir,  que  c'a  este  une  ombre,  de  laquelle  nous  n'avons  plus  besoin,  ayant  le  corps  en  Jesus  Christ.  Ce  brouillon  cuide  avoir  tout  gagne  en  allegant  que  celuy  qui  a  dit:  Tu  ne  te  feras  image  taillee  pour  adorer  (Exode  20,  4.  8),  dit  aussi:  Tu  sanctisieras  le  iour  du  repos.  Dont  il  conclud  que  T  un  des  commandemens  estant  mis  bas,  l'autre  aussi  n'a  plus  de  lieu.  Mais  si  ainsi  est,  que  deviendra  la  sentence  de  sainct  Iean:  Fuyez  les  idoles  (1.  Iean.  5,  21)?  Or  la  source  de  tel  erreur  est,  de  restreindre  la  mouelle  et  la  substance  de  ces  commandemens  a  aimer  Dieu,  oubliant,  ou  laissant  derriere  le  service  qui  luy  est  deu,  l'adoration,  les  prieres,  la  confession  de  foy,  et  tout  ce  qui  appartient  a  le  glorifier  comme  nostre  Dieu.  La  servitude  de  garder  le  iour  du  repos  est  ostee,  ie  le  confesse:  mais  de  conclure  par  cela  qu'il  eat  donc  licite  d'avoir  des  idoles,  et  s'agenouiller  devant,  c'est  une  ignorance  qui  ne  merite  point  d'estre  debatue:  veu  qu'on  en  pourroit  autant  dire  du  reste  des  commandemens.  De  tout  temps  ceux  qui  ont  fait  profession  de