8:588  vero  aliis  locis  opus  est,  quam  quos  in  suam  excusationem  adducit.  Nam  priore  loco  nugatur,  verbum  illud  quod  olim  essentialiter  erat  forma  hominis,  nunc  esse  deitatem  sub  forma  hominis.  Sub  forma,  inquit,  non  confusa,  nec  imminuta.  Quomodo  hoc?  Subiicit  non  esse  tale  verbum,  quale  olim  fuit:  quia  nunc  caro  factum  est.  Coacervat  postea  complures  blasphemias,  quod  umbra  olim  fuerit  duntaxat,  ac  rei  futurae  praefiguratio:  in  quo  et  eius  Imperfectio  notata  est.  Secundo  loco  mutatum  esse  negat  verbum,  sed  carnem  fuisse  in  illud  transformatam,  ideoque  formam  hominis,  quam  habuit  ab  aeterno,  non  fuisse  confusam,  nec  alteratam.  Totum  autem  huc  recidit,  quod  Christi  caro  mera  sit  deitas,  nec  alius  sit  Christus  homo,  quam  qui  olim  nube  increata  fuit  inclusus.  Viderit  interea  quomodo  huic  sententiae  conciliet  quod  alibi  ex  eo  retulimus,  verbum  fuisse  in  carnem  conversum.  CALUMNIARUM  REPUTATIO,  QUIBUS  SERVETUS  IUSTAM  ERRORUM  SUORUM  DAMNATIONEM  A  MINISTRIS  GENEVENSIBUS  CONSCRIPTAM  ELUERE  VEL  SALTEM  ELUDERE  TENTAVIT.  Quoniam  ex  eius  libris  constare  diximus,  praecise  ab  eo  reiectum  fuisse  nomen  trinitatis,  quasi  detestabile,  cum  suo  MENTIRIS  ferociter  insultat.  Id  quale  sit,  mecum  expendant  lectores.  Plus  centum  locis  trinitas  simpliciter  ab  eo  vocatur  triceps  Cerberus,  diabolicum  phantasma  [pag.  176],  Geryonis  monstrum,2)  illusio  Satanae,  et  quid  non  ?  Nusquam  moderandi  causa  additur  syllabae  unius  exceptio.  Sed  alibi  trinitas  ab  eo  conceditur.  Honesta  scilicet  excusatio.  Nam  si  eo  nomine  exprimitur  sacra  Dei  maiestas,  nonne  summa  veneratione  colendum  erat?  Postquam  illud  sine  delectu  plus  quam  atrocibus  contumeliis  proscidit,  neque  id  semel  sed  plus  centies,  nunc  paucos  locos  opponit,  in  quibus  trinitas  verbo  tenus  admittitur.  Videndum  tamen  est,  quaenam  sit  ista  verissima  trinitas.  Sic  habet  primus  locus,  quod  deitas,  quae  est  in  patre,  Christo  communicata  est  primum,  deinde  eo  mediatore  apostolis.  Atqui  hoc  modo  longe  maior  numerus  nobis  exsurget  et  ex  triade  fiet  pentadecas.  Iam  qualis  ab  eo  statuitur  deitas  spiritus?  Illum  esse  dicit  quem  Christus  moriens  patri  commendat.  Tandem  concludit  verissimam  esse  hanc  trinitatem,  Deum  patrem,  speciem  imaginis  visam,  et  munus  inde  procedens.  Ubi  nunc  erit  aeternus  sermo,  si  nulla  eius  deitas  nisi  in  1)  un  monstre  poetique.  imagine  visibili  fuit?  De  spiritu  vero  quam  profane  et  impie?  Nam  etsi  Dei  donum  apte  interdum  et  ex  scripturae  usu  vocatur  spiritus,  tenendum  tamen  in  primis  erat  illud  Pauli  1  ad  Corinth,  cap.  12  varietates  donorum  esse,  sed  unum  et  eundem  spiritum.  Secundo  loco,  sicuti  iam  exposuimus,  personam  filii  et  spiritus  discernit  a  patris  persona  respectu  admixtae  creaturae.  1)  En  trinitas  Serveti,  non  in  Dei  essentia,  sed  in  creaturis  quae  nescio  quid  mixtum  ac  medium  habent  in  quo  differant  a  mera  deitate.  Caeterum  videamus  quam  bene  in  aliis  locis  sibi  constet.  Certe  pagina  28,  spiritum  sanctum  [pag.  177]  excludens,  ternarii  numeri  obliviscitur.  Si  nemo,  inquit,  patrem  novit  nisi  filius,  ubi  est  tertia  illa  res,  quam  metaphysici2)  volunt  secundae  esse  aequalem,  in  solio  trinitatis  locatam,  in  tertio  angulo  triclinii?3)  Item,  si  Christus  nos  confitebitur  coram  patre  et  angelis,  gravem  tertiae  rei  facit  iniuriam,  cuius  non  meminit.  Verborum  Christi  facilis  est  ac  prompta  solutio:  quia  sub  patris  nomine  totam  deitatem  suo  more  complectitur.  Interim  videmus  Serveto  effluere  trinitatem,  cuius  vult  nunc  videri  confessor.  Sermonis  hypostasin  si  nomines,  credere  se  annuit.  Si  patrem  voces  1)  d'autant  qu'ils  sont  a  demi  creatures.  2)  les  philosophes  supernaturels.  3)  en  un  anglet  d'une  chambre  a  trois  bctz.