7:588  et  ut  hac  voluntaria  castigatione  quasi  cum  Christo  (cuius  passionis  memoria  his  diebus  potissimum  a  fidelibus  recolitur)  carnem  suam  crucifigerent.  Consueta  etiam  ecclesiae  ieiunia  observentur,  sed  ita  tamen,  ut  non  astringantur  quos  necessitas  excusat:  quales  sunt  qui  gravioribus  laboribus  exhauriuntur,  et  peregrinantes,  item  gravidae  mulieres,  lactentes  pueri,  1)  senes,  aegroti.  Nec  improbetur  benedictio  earum  rerum,  quae  exorcismis  et  orationibus  ad  usum  hominum  praeparantur,  dummodo  operationes  quae  inde  nascuntur,  non  rebus  ipsis,  sed  divinae  virtuti  tribuantur:  et  caveatur,  ne  eaedem  ad  ullum  incantationis  aut  superstitionis  genus  transferantur.  [pag.  73]  Et  quanquam  cum  apostolo  sentiendum  est,  eum  qui  caelebs  est  curare  quae  sunt  Domini,  ete.  (i  Cor.  7,  32)  eoque  magis  optandum,  multos  inveniri  clericos,  qui  quum  caelibes  sint,  vere  etiam  contineant:  tamen  quum  multi,  qui  ministerii  ecclesiastici  functiones  tenent,  iam  multis  in  locis  duxerint  uxores,  quas  a  se  dimittere  nolint:  super  ea  re  generalis  concilii  sententia  exspectetur,  quum  alioqui  mutatio  in  ea  re,  ut  nunc  sunt  tempora,  sine  gravi  rerum  perturbatione  nunc2)  fieri  non  possit.  Illud  tamen  negandum  non  est,  etsi  coniugium  per  se  honorabile  est,  iuxta  scripturam  (Hebr.  13,  4):  eum  tamen  qui  non  ducit  uxorem,  et  vere  continet,  melius  facere,  secundum  scripturam  (1  Cor.  1,  8).  Eadem  est  ratio  usus  eucharistiae  sub  utraque  specie,  cui  multi  etiam  assueverunt,  et  ab  eo  avelli  sine  gravi  rerum  motu  hoc  tempore  non  possunt:  et  quia  concilium  oecumenicum,  cui  omnes  Imperii  Status  se  submiserunt,  procul  dubio  piam  et  sollicitam  curam  adhibebit,  ut  in  hoc  casu  conscientiis  multorum  et  publicae  tranquillitati  optime  consulatur,  qui  usum  utriusque  speciei  antehac  receperunt,  eumque  relinquere  nolunt:  super  ea  quoque  re  deliberationem  et  sententiam  oecumenici  concilii  exspectent.  Hi  tamen  qui  utriusque  speciei  usum  amplectuntur,  Ulam  inveteratam  sub  una  specie  [pag.  74]  communicandi  consuetudinem  reprehendere  non  debent:  nec  alteri  alteros  perturbent  donec  super  ea  re  concilium  oecumenicum  decreverit.  Et  quanquam  sacramentum  eucharistiae  sub  utraque  specie  institutum  est,  non  tamen  sentiendum  est  Christum  in  carne  dividi,  contra  quam  scriptura  divinitus  inspirata  tradit,  sed  sub  singulis  speciebus  inr  tegrum  contineri.  Ac  quoniam  in  sacramento  eucharistiae  est  verum  Christi  corpus,  et  verus  Christi  sanguis,  in  hoc  sacramento  Christum  merito  adorari  debere.  1)  Sic  ridicule  edd.  genevenses,  Beza,  Amst.  Omnino  7egendum  :  lactantes,  pueri.  2)  Pro  nunc  legitur  modo  in  edd.  germanicis.