32:588  ceste-cy  est  bien  l'une  des  principales,  que  nous  luy  demandions  d'estre  enseignez  en  sa  parole:  que  nous  ne  soyons  point  tellement  adonnez  a  ce  qui  concerne  la  vie  presente  et  ce  qui  est  du  corps,  que  nous  n'advisions  a  ce  miroir  de  nos  ames.  Or  ce  miroir-ia  est  et  consiste  en  la  parole  de  Dieu.  Ainsi  donc  ne  mettons  point  ce  bien-la,  qui  est  si  grand,  en  oubly  quand  il  est  question  de  prier  Dieu,  que  cecy  nous  soit  en  souveraine  recommandation,  d'estre  enseignez  en  ses  statuts.  Or  outre  ceste  requeste  David  use  de  la  mesme  raison  qu'il  avoit  mise  au  premier  verset:  c'est  qu'il  dit  Que  Dieu  est  bon  et  bien  faisant  II  est  vray,  qu'il  y  a  deux  mots  divers:  mais  ils  procedent  d'une  mesme  source,  et  le  sens  aussi  tend  a  une  mesme  fin.  Il  avoit  dit,  Tu  as  traitte  liberalement  ton  serviteur:  yci,  Tu  es  bon  et  bien-faisant.  La  il  disoit,  Voire  selon  ta  parole:  yci  il  y  a  enclos  les  deux,  tellement  que  nous  voyons  que  ce  verset  n'est  sinon  une  confirmation  de  ce  que  nous  avons  veu  aux  deux  premiers:  que  David  alleguant  a  Dieu  sa  bonte,  de  laquelle  il  use  envers  les  siens,  voire  selon  son  naturel,  il  le  prie  qu'il  soit  enseigne  en  ses  statuts.  Or  il  adiouste,  Qu'il  a  este  assailly  des  orgueil"  Ieux,  qu'ils  ont  forge  mensonge  contre  luy:  toutesfois,  qu'il  n'a  point  laisse  la  parole  de  Dieu.  Cecy  est  allegue  pour  deux  raisons:  l'une  est,  que  par  cela  David  monstre  la  necessite  qu'il  a  d'estre  aide  de  Dieu,  et  d'estre  conferme  en  sa  parole,  et  mesmes,  d'estre  bien  enseigne  en  icelle.  Pourquoy?  Pour  resister  aux  combats.  Comme  s'il  disoit,  Helas  mon  Dieu,  si  ie  n'estoye  instruit  de  toy,  que  tu  ne  me  guidasses  par  ton  Esprit,  que  seroit-ce?  Car  ie  ne  suis  point  sans  combats,  quand  ie  n'auroye  que  ma  volonte  qui  t'est  contraire:  mais  i'ay  aussi  Ies  ennemis  de  dehors  qui  me  pressent:  parquoy  il  m'est  bien  mestier  que  tu  me  conduises  et  gouvernes  de  ta  main.  David  donc  met  en  avant  la  necessite  qu'il  a  d'estre  chastie  de  Dieu,  afin  d'obtenir  tant  plus  aisement  sa  requeste.  Or  cependant  il  veut  monstrer  qu'il  fait  ceste  priere  sans  feintise,  qu'il  vient  a  Dieu  a  bon  escient,  et  d'une  affection  pure  et  droite:  comme  s'il  disoit,  Seigneur,  ie  ne  demande  point  par  ceremonie  d'estre  enseigne  en  ta  Loy  et  en  tes  statuts:  mais  c'est  d'autant  que  ie  prise  ce  bien-la,  et  que  ie  cognoy  que  c'est  la  felicite  souveraine  des  hommes.  Et  qu'ainsi  soit,  combien  que  les  meschans  m'ayent  assailly,  qu'ils  ayent  mis  peine  a  me  desbauches  qu'ils  en  ayent  fait  tous  leurs  efforts:  si  est-ce  que  i'ay  garde  tes  commandemens.  Par  cela  il  a  donne  bonne  approbation  comme  il  aimoit  la  parole  de  Dieu,  quand  il  n'a  point  este  desgouste  d'icelle,  quelque  chose  qu'on  ait  machine  contre  luy.  Voyla  les  deux  raisons  que  nous  avons  yci  a  noter.  Or  (en  pre-