9:587  587  RESPONSE  588  qui  sont  morts  ne  se  doyvent  point  laisser  mettre  a  mort  pour  des  ceremonies  mortes:  et  quant  et  quant  declare  qu'il  tient  pour  morts  tous  ceux  qui  n'ont  point  charite.  Or  encore  ceste  declaration  seconde  est  si  embrouillee,  qu'on  demeureroit  tousiours  en  suspens,  s'il  n'adioustoit  tantost  apres  ce  qui  s'ensuit:  assavoir,  que  nostre  Seigneur  Iesus  estant  apparu  au  monde,  en  dressant  son  royaume  spirituel,  n'a  laisse  qu'un  seul  commandement  a  ses  disciples,  d'aimer  Dieu  et  leurs  prochains:  et  par  ce  moyen  a  mis  a  neant  toutes  ceremonies.  Or  encore  ne  iugeroit-on  point  de  prime  face  que  ces  mots  comprinssent  les  horribles  blasphemes  qu'il  en  tire  et  deduit.  Premierement  en  ce  qu'il  dit  que  c'est  le  but,  la  mouelle,  et  la  substance  de  l'Evangile  que  charite,  il  monstre  [page  6]  que  iamais  n'a  entendu  les  premiers  rudimens  de  la  doctrine  de  nostre  Seigneur  Iesus  Christ,  lequel  en  disant  que  sous  ces  deux  articles  la  Loy  et  les  Prophetes  sont  compris,  n'exclud  pas  ni  la  foy,  ni  les  prieres,  ni  tout  ce  qui  nous  est  ordonne  en  l'Escriture  pour  nous  exercer  et  avancer  en  la  fiance  de  Dieu  :  mais  il  advertit  quelle  est  la  reigle  de  bien  vivre.  Voila  desia  un  erreur  trop  lourd,  de  ne  point  discerner  entre  la  foy  et  toutes  ses  dependances,  et  les  commandemens  qui  nous  enseignent  que  c'est  de  bien  vivre*  Car  par  consequent  il  abolit  le  salut  des  hommes,  et  les  met  tous  en  desespoir.  Qu'ainsi  soit,  quand  il  nous  est  monstre  combien  la  grace  de  nostre  Seigneur  Iesus  Christ  nous  est  necessaire,  la  raison  est  adioustee,  que  tous  defaillent  a  garder  la  Loy,  et  par  ainsi  qu'il  leur  est  besoin  d'avoir  leur  refuge  ailleurs.  Il  y  a  donc  deux  parties  principales  en  l'Evangile,  dont  ce  phrenetique  en  laisse  l'une.  Car  par  les  commandemens  que  Dieu  nous  y  propose,  il  nous  monstre  la  perfection  de  bien  vivre:  mais  d'autant  que  cela  ne  nous  serviroit  que  de  condamnation,  le  remede  nous  est  adiouste  en  second  lieu,  qui  est  de  recourir  a  la  misericorde  de  Dieu,  afin  que  nous  soyons  reconciliez  a  luy  par  le  moyen  de  celuy  qu'il  nous  a  donne  pour  advocat,  d'embrasser  Iesus  Christ  par  vraye  foy  pour  toute  nostre  iustice,  de  prier  Dieu  son  Pere  qu'en  effacant  nos  pechez  il  nous  renouvelle  par  son  Esprit,  de  le  glorifier  de  coeur  et  de  bouche,  et  faire  protestation  de  cela  par  l'usage  des  Sacremens.  Parquoy  ce  brouillon  mesle  et  confond  tout,  [page  7]  en  voulant  conclure  que  nostre  Seigneur  Iesus  Christ  n'a  laisse  que  le  commandement  d'aimer  Dieu  et  nos  prochains,  quand  il  a  mis  bas  les  ceremonies  anciennes.  Car  il  nous  faut  prudemment  distinguer  entre  les  ombres  et  les  figures  qui  ont  servi  aux  Iuifs  devant  la  venue  de  Iesus  Christ,  et  ce  qui  nous  est  demeure  perpetuel.  Ie  n'allegueray  autre  exemple  que  celuy  duquel  il  fait  bouclier.  Nostre  Seigneur  Iesus  a  prononce  que  le