5:587  ACTES  DE  RATISBONNE.  Et  s'il  est  question  de  conclurre  quelque  concorde,  nous  requerons  que  ces"  articles  de  chose  de  si  grand  poix,  soyent  myeulx  esclarciz.  Ce  que  nous  entendons  que  ont  aussi  demande  les  commis  de  l'aultre  partie,  honnorables  personnes,  le  docteur  Iule  Flug,  et  le  docteur  Iehan  Gropper.  Reste  maintenant  les  controversies,  lesquelles  n'ont  point  este  decidees:  dont  les  nostres  ont  presente  [fol.  90]  leurs  articles,  lesquelz  puis  qu'ilz  sont  vrays  et  modestement  couchez,  nous  esperons  qu'ilz  satisferont  a  l'aultre  partie.  Et  ne  doubtons  pas  que  quand  ilz  viendront  en  lumiere,  tous  hommes  de  bon  et  sain  iugement,  congnoistront,  que  ceulx  qui  les  improuvent  sont  trop  desraisonnables.  Car  combien  que  le  Livre,  pour  s'accommoder  a  moderation,  adoulcisse  quelque  chose  en  ces  articles:  toutesfoys,  puis  que  la  grandeur  des  abuz  est  notoire,  il  fault  revenir  iusques  a  la  source,  pour  bien  advertir  l'Eglise.  Dieu  nous  est  tesmoing,  que  nous  aymons  aussi  moderation,  et  l'avons  tousiours  cherchee.  Mais  il  est  bien  requis  en  l'Eglise  d'aviser,  quelles  limites  il  fault  tenir  en  moderant.  Il  est  advenu  souventesfoys  en  l'Eglise,  que  non  seulement  les  Princes  et  gouverneurs  seculiers,  mais  aussi  les  Docteurs,  ont  cherche  moderation  par  iugement  humain:  lesquelles  ont  destourne  l'entendement  des  hommes  de  la  purete  de  l'Evangile,  et  de  la  vraye  invocation  de  Dieu.  Combien  y  en  a  il,  qui  ont  pense,  que  S.  Augustin  avoit  dispute  de  la  grace  de  Dieu  trop  estrangement.  Pourtant  les  Theologiens  scholasticques  ont  cherche  une  moderation:  non  point  pour  approuver  l'heresie  de  Pelagius:  mais  pour  obscurcir  la  doctrine  de  la  grace  de  Dieu.  A  combien  de  gens  a  il  semble  que  8.  Paul  parloit  trop  durement  de  la  foy  iustifiante?  A  ceste  cause  on  a  cherche  des  interpretations  plus  gracieuses  au  iugement  humain,  mais  icelles  ont  ensepvely  la  vraye  doctrine  de  l'Evangile  et  abatu  la  consolation  des  consciences.  Tant  de  foys  la  parolle  celeste  nous  crie,  qu'il  n'y  a  qu'une  seule  satisfaction  pour  les  pechez,  c'est  la  mort  du  Filz  de  Dieu.  Neantmoins  les  Scholasticques  ont  trouve  une  moderation,  pour  maintenir  les  manieres  vicieuses  de  servir  Dieu.  C'est  une  chose  tresbelle  et  honneste  que  Tordre  et  degre  des  gouverneurs,  mais  soubz  ceste  couverture  les  Papes  et  prelatz  se  sont  esleves  en  domination  royale,  laquelle  Christ  leur  avoit  deiFendu.  Combien  donc,  que  moderation  ayt  en  toutes  choses  sa  louenge,  comme  il  a  este  [fol.  91]  prudemment  dict,  que  toutes  les  ars  et  veitus  tendent  a  ce  but,  de  constituer  quelque  mediocrite:  toutesfoys  il  fault  qu'en  l'Eglise  la  parolle  de  Dieu  soit  la  reigle  de  moderation,  et  non  pas  la  sagesse  humaine.  Comme  S.  Paul  nous  admoneste,  que  nous  ne  nous  laissions  point  decevoir  par  beaux  et  plaisans  argumens