49:587  587  SERMONS  588  point  question  de  chercher  la  remission  de  leurs  pechez  en  Iesus  Christ:  mais  ils  disent  tout  lourdement  qu'on  est  sauve  par  le  Baptesme.  Il  est  vray  que  le  Baptesme  est  un  tesmoignage  et  une  arre  de  nostre  salut:  mais  si  faut-il  marcher  plus  loin:  c'est  a  scavoir  au  sang  de  nostre  Seigneur  Iesus  Christ,  la  ou  le  Sacrement  nous  conduit.  Notons  hien  donc  quand  nous  voudrons  user  des  Sacremens  ainsi  que  Dieu  l'ordonne,  il  faut  qu'ils  nous  soyent  comme  des  eschelles  pour  nous  eslever  en  haut:  car  nous  sommes  pesans  et  grossiers:  et  nous  sommes  retenus  ici  bas.  D'autant  donc  que  nous  ne  pouvons  pas  voler  si  haut  iusques  a  approcher  de  Dieu,  il  nous  a  ordonne  les  Sacremens,  comme  des  eschelles.  Si  un  homme  veut  sauter  en  haut,  il  se  rompra  le  col  en  s'efforcant  :  mais  s'il  ha  de  degrez,  il  y  peut  aller  seurement.  Ainsi  faut-il  que  pour  parvenir  a  nostre  Dieu,  nous  usions  des  moyens  qu'il  nous  a  destinez,  comme  il  cognoist  qu'il  nous  est  convenable.  Et  ne  faut  point  que  les  hommes  s'en  forgent  a  leur  poste:  mais  faut  que  Dieu  nous  les  donne.  Ainsi  notons  bien  que  c'est  Dieu  qui  nous  tend  la  main,  quand  nous  avons  les  Sacremens  pour  nous  conduire  a  luy.  Il  y  a  encores  plus,  que  par  les  Sacremens  nous  sommes  addressez  a  Iesus  Christ.  Car  nous  voyons  que  les  signes  qui  ont  servi  sous  la  Loy,  ont  este  figures  de  nostre  Seigneur  Iesus  Christ,  aussi  bien  qu'auiourd'huy  nous  est  le  Baptesme  et  la  Cene.  Et  pourquoy?  Car  de  tous  temps  les  hommes  n'ont  point  approche  de  Dieu,  et  n'ont  eu  nulle  ouverture  a  luy,  sinon  en  la  personne  du  Redempteur  qui  leur  estoit  promis.  Il  ne  faut  point  donc  nous  esgarer  de  Iesus  Christ  si  nous  voulons  que  les  Sacremens  nous  soyent  utiles  pour  nostre  salut.  Voyla  en  premier  lieu  ce  que  nous  avons  ici  a  retenir.  Or  notons  bien  que  sainct  Paul  n'a  point  ici  mis,  ne  la  Circoncision,  ni  l'Agneau  Paschal,  ni  tout  le  reste,  il  a  mis  que  le  Baptesme  et  la  Cene.  Et  pourquoy?  Il  n'estoit  point  question  de  monstrer  tout  ce  que  les  Peres  anciens  ont  eu,  mais  en  brief  il  faloit  que  cest  article  la  fust  prouve  qu'il  n'y  a  iamais  eu  qu'une  Eglise  de  Dieu.  Il  est  vray  qu'il  y  a  eu  des  facons  diverses  selon  le  temps,  comme  desia  nous  avons  dit:  mais  quoy  qu'il  en  soit,  il  n'y  a  iamais  eu  qu'une  adoption,  il  n'y  a  iamais  eu  qu'un  Sauveur,  il  n'y  a  eu  iamais  qu'une  grace  que  Dieu  a  promise  aux  anciens  et  a  nous.  Puis  qu'ainsi  est,  il  nous  faut  donc  avoir  ceste  union  la,  et  cognoistre  que  ceux  qui  ont  vescu  sous  la  Loy,  ont  marche  devant,  et  qu'il  nous  les  faut  ensuyvre.  Et  pour  ce  faire,  nous  devons  tousiours  nous  arrester  a  ce  fondement  qui  nous  est  commun:  c'est  que  nous  avons  un  Pere  au  ciel,  qui  nous  recognoist  et  avoue  pour  ses  enfans,  d'autant  que  nous  sommes  membres  de  nostre  Seigneur  Iesus  Christ  :  et  lequel