40:587  587  PRAELECTIONES  588  cogitationibus  quidquam  proficere,  nisi  Deus  patefecisset  quod  futurum  erat:  quoniam  scilicet  proprium  est  eius  munus  (inquit)  revelare  arcana.  Et  certe  videmus,  ut  frustra  se  homines  torqueant,  ubi  volvunt  et  revolvunt  apud  se  quae  superant  ipsorum  ingenia.  Ergo  rex  Nebuchadnezer  poterat  diu  et  multum  se  fatigare  sine  profectu,  nisi  oraculo  fuisset  edoctus.  Et  ideo  pondus  subest  in  his  verbis,  qui  revelat  arcana  exposuit  regi  quid  futurum  esset:  hoc  est,  non  est  quod  tibi  arroges  vel  tuis  cogitationibus  somnium  hoc,  sed  Deus  peculiari  hac  gratia  te  dignatus  est,  quum  voluit  te  conscium  facere  mysteriorum,  quae  alioqui  tibi  semper  fuissent  abscondita.  Neque  enim  unquam  penetrasses  tantam  altitudinem.  Postea  adiungit,  30.  Et  ego  (hoc  est,  mihi)  non  in  sapientia  quae  sit  in  me  prae  cunctis  viventibus,  arcanum  hoc  pate*  factum  (est)  mihi  (est  supervacua  repetitio,  sed  quae  sensum  non  obscurat):  sed  ut  interpretationem  regi  exponerem,  et  cogitationes  cordis  tui  cognosceres.  Hic  Daniel  occurrit  obiectioni,  quia  poterat  excipere  Nebuchadnezer,  Si  unius  Dei  est  revelare  arcana,  unde,  quaeso,  hoc  tibi  qui  es  homo  mortalis?  Daniel  ergo  praevenit,  et  transfert  totam  gloriam  ad  Deum,  et  ingenue  fatetur  suum  nihil  fore  in  hac  interpretatione  quam  afferret:  sed  se  quasi  produci  manu  Dei,  et  esse  eius  interpretem,  neque  habere  hoc  ex  perspicacia  naturali,  sed  quia  Deo  placuerit  eum  ministrum  hac  in  parte  constituere,  et  uti  eius  opera.  Mihi  ergo,  inquit,  patefactum  fuit  hoc  arcanum.  His  verbis  satis  declarat,  donum  peculiare  esse  Dei,  quod  interpres  somnii  accesserit.  Sed  clarius  exprimit,  hoc  donum  esse  supernaturale,  ut  loquuntur,  quum  dicit,  non  in  sapientia  quae  sit  mihi.  Nam  si  Daniel  superasset  totum  mundum  intelligentia,  tamen  non  poterat  divinare  quid  somniasset  rex  babylonius.  Excelluit  quidem  et  ingenii  praestantia  et  eruditione:  praeditus  fuit  maximis  donis,  ut  iam  dictum  est:  sed  non  potuit  tamen  consequi  quod  nunc  impetravit  suis  precibus  a  Deo:  non  potuit  consequi,  dico,  vel  studio,  vel  industria  sua,  vel  ullis  humanis  mediis.  Videmus  ergo  ut  Daniel  diserte  hic  excludat  non  tantum  quod  homines  falso  sibi  arrogant,  sed  etiam  quidquid  naturaliter  confert  Deus  :  quia  scimus  profanos  etiam  homines  donari  ingenii  praestantia,  et  aliis  eximiis  dotibus:  atqui  vocantur  haec  naturalia,  quoniam  Deus  vult  gratias  suas  fulgere  in  genere  humano,  quum  profert  talia  exempla.  Sed  Daniel  etiam  si  agnoscat  se  non  vulgari  ingenio  esse  praeditum,  quoniam  Deo  ita  placuerit,  et  se  etiam  eruditum  esse,  quoniam  benedixerit  Deus  eius  studiis:  quamvis  ergo  hoc  fateatur,  tamen  constituit  in  gradu  superiore  hanc  revelationem.  Videmus  ergo  ut  dona