32:587  587  NEUFIEME  SERMON  588  nature  est  si  rebelle,  que  c'est  pitie:  nos  affections  sont  des  bestes  si  terribles  qu'on  n'en  peut  venir  a  bout:  tellement  que  si  Dieu  nous  lasche  la  bride,  et  qu'il  nous  la  mette  sur  le  col,  il  ne  sera  question  que  de  nous  aigrir  a  l'encontre  :  et  d'estre  tellement  desbordez,  que  nous  ne  demanderons  qu'a  renverser  toute  iustice,  equite  et  droiture.  Brief,  ii  ne  sera  question,  sinon  que  les  hommes  se  viennent  heurter  a  l'encontre  de  Dieu  quand  ils  seront  a  leur  aise,  et  en  grande  prosperite.  Il  n'y  a  doncques  autre  remede,  sinon  que  Dieu  nous  afflige,  car  voyla  le  seul  moyen,  par  lequel  il  nous  tient  en  sa  suiettion  et  discipline,  autrement  s'il  nous  laissoit  a  repos,  il  seroit  impossible  que  nostre  nature  ne  se  rebecquast  a  l'encontre  de  luy.  Si  nous  avions  bien  retenu  ceste  lecon,  ii  ne  nous  feroit  point  tant  de  mal  d'estre  affligez  comme  il  nous  fait:  nous  prendrions  une  autre  consolation  que  nous  ne  faisons  pas  en  nos  miseres  et  en  nos  adversitez,  cognoissans  que  ce  sont  medecines  qui  nous  pourront  estre  ameres,  mais  qu'elles  nous  sont  tournees  a.  salut.  Ohoisissons  ou  d'estre  comme  bestes  errantes  voire  et  comme  enragees,  du  chemin  de  salut,  mesme  phrenetiques  pour  nous  eslever  a  l'encontre  de  Dieu:  ou  bien  qu'il  nous  batte  de  ses  verges,  et  que  nous  soyons  tellement  mattez,  que  par  ce  moyen  il  nous  renge  a  luy  obeir.  Puis  donc  qu'il  nous  revient  un  tel  profit  des  afflictions,  qu'elles  ne  nous  soyent  point  si  facheuses  a  porter:  mais  consolons-nous-y  attendans  l'issue  telle  que  Dieu  donnera.  Au  reste,  retenons  aussi  qu'il  ne  faut  point  que  nous  soyons  incorrigibles  apres  que  Dieu  aura  leve  sa  main  pour  nous  chastier,  et  qu'il  aura  rabatu  les  fols  appetis  et  desordonnez  qui  sont  en  nous,  que  nous  ne  grondions  point  comme  nous  avons  accoustume,  ainsi  que  s'il  nous  faisoit  grand  tort:  mais  souffrons  d'estre  chastiez  et  affligez  a  l'exemple  de  David.  Voyla  les  bestes  qui  sont  farouches  et  sauvages,  toutesfois,  en  la  fin  elles  peuvent  estre  dontees,  quand  il  y  aura  un  homme  d'industrie  qui  les  scaura  bien  renger.  Voyla  un  cheval  qui  est  rebelle,  et  d'une  nature  bien  fiere,  et  toutesfois,  il  se  laisse  manier  et  conduire,  il  fleschit  a  la  bride,  quand  il  y  aura  un  homme  qui  sera  adextre  pour  le  scavoir  donter.  Ie  vous  prie,  ne  devrion8-nous  pas  avoir  grande  honte  que  nostre  Dieu  s'employe  a  nous  renger,  et  a  nous  gagner  a  luy  et  qu'il  n'en  puisse  che  vir?  Ainsi  donc  a  l'exemple  de  David  taschons  de  profiter  sous  les  verges  de  Dieu,  afin  que  nous  gardions  ses  commandemens  apres  qu'il  nous  aura  affligez.  Or  il  s'ensuit  quant  et  quant,  Tu  es  bon  et  bien  faisant,  enseigne-moy  tes  statuts.  David  reitere  yci  la  mesme  demande  que  nous  avons  veu.  Et  c'est  ce  que  i'ay  desia  touche:  ascavoir,  qu'entre  toutes  les  oraisons  que  nous  devons  faire  a  Dieu,