25:587  587  NOTICE  LITTERAIRE.  588  venir,  quand  on  supposeroit  faussement  livres  entachez  do  mauvaise  doctrine,  pour  leur  donner  cours  sous  le  nom  d'un  fidelle  serviteur  de  Dieu:  comme  chacun  sait  qu'on  en  a  fait  a  plusieurs  des  anciens  Docteurs  de  l'Eglise:  et  mesmes  que  8.  Paul  advertit  les  Thessaloniciens  de  se  donner  garde  de  lettres  et  epistres  qu'on  faisoit  courir  par  les  Eglises,  comme  si  vrayement  il  en  eust  este  l'autheur.  Vray  est  que  tant  qu'il  plaira  a  ce  bon  Dieu  nous  conserver,  et  l'Eglise  en  laquelle  par  sa  grace  il  nous  a  constituez  Pasteurs,  nous  avons  ici  pour  redarguer  ceux  qui  voudroyent  attribuer  audit  Calvin  autres  livres  que  les  siens,  ou  par  fausses  additions  corrompre  ceux  qu'il  a  vrayement  composez.  Mais  encore  vaut-il  mieux  prevenir  le  danger  de  longue  main,  et  en  eviter  les  occasions  tant  que  faire  se  peut.  Ainsi,  nous  prions  au  nom  de  Dieu  tous  ceux  qui  pourroyent  avoir  quelques  copies  des  escrits,  mesme  des  Sermons  dudit  Autheur  non  encore  imprimees,  de  se  deporter  de  les  mettre  en  lumiere,  que  premierement  elles  n'ayent  este  deuement  collationnees  aux  originaux  qui  sont  par  deca  en  la  garde  de  l'un  des  Diacres:  et  quant  aux  autres,  que  ceux  qui  reimprimeront  quelque  oeuvre  du  mesme  Autheur,  ayent  esgard  a  l'utilite  commune,  et  edification  de  l'Eglise,  plus  qu'a  l'avancement  de  leur  gain  particulier.  Et  sur  ce  nous  vous  recommandons  tous  a  la  grace  de  Dieu.  Le  Seigneur  Iesus  soit  avec  vous,  qui  est  selon  la  chair  de  la  semence  de  David,  vray  fils  de  la  saincte  vierge  Marie,  et  luy-mesme  est  le  Christ,  et  le  Dieu  beneit  eternellement:  comme  a  escrit  expressement  S.  Paul,  et  ainsi  l'avons  tousiours  creu,  et  le  croyons  tous.  Amen.  Nous-nous  recommandons  a  vos  prieres,  treschers  freres.  De  Geneve  ce  mois  de  Ianvier  1567.  Vos  humbles  freres  les  Ministres  de  la  parolle  de  Dieu.  II.  LES  DIACRES  ET  ADMINISTRATEURS  DES  BIENS  AUMOSNEZ  AUX  POVRES  ESTRANGERS  QUI  SE  SONT  RETIREZ  EN  CESTE  VILLE  DE  GENEVE  POUR  LA  PAROLLE  DE  DIEU,  A  TOUS  FIDELLES  ET  VRAYS  CHRESTIENS,  SALUT  ET  PAIX  DE  PAR  NOSTRE  SEIGNEUR  IESUS  CHRIST.  D'autant  que  nos  bons  et  fidelles  pasteurs  les  Ministres  de  ceste  Eglise,  en  la  fin  de  leur  preface  qu'ils  ont  faite  sur  ces  Sermons,  craignans  paraventure  d'estre  trop  longs,  ou  d'ennuyer  les  lecteurs,  ne  font  que  toucher  comme  en  passant  un  poinct,  lequel  neantmoins  est  de  grande  importance  pour  les  povres  estrangers  qui  se  sont  retirez  en  ceste  ville:  il  nous  a  semble  qu'il  ne  seroit  point  trouve  mauvais,  ni  estrange,  si  pour  nostre  devoir  nous  declairions  un  peu  plus  amplement  ce  qu'ils  disent  en  un  mot,  touchant  l'impression  des  Sermons  de  feu  nostre  bon  pere  maistre  Iean  Calvin.  Or  pour  mieux  comprendre  le  tout,  il  faut  entendre  que  des  l'an  1549.  feu  maistre  Denys  Ragueneau  s'estant  retire  par  deca,  se  meit  a  recueillir  de  mot  a  mot  les  Sermons  que  faisoit  ordinairement  ledit  M.  Iean  Calvin,  voire  avee  une  telle  dexterite  et  industrie  qu'il  avoit  d'user  de  certaines  notes  et  caracteres,  que  du  commencement  mesmes  peu  de  mots  luy  eschappoyent.  Ce  que  voyans  ceux  qui  avoyent  pour  lors  la  charge  des  povres  estrangers,  combien  qu'ils  n'eussent  pas  grans  deniers  pour  subvenir  aux  necessitez  qui  se  presentoyent:  si  ne  laisserent-ils  pas  pourtant  de  donner  ordre  que  ledit  escrivain  fust  salarie  aucunement  de  ces  deniers-la,  afin  qu'estant  adonne  entierement  a.  recueillir  ces  Sermons,  et  les  mettre  puis  apres  au  net,  il  eust  quelque  moyen  de  vivre  avec  sa  petite  famille,  a  cause  qu'il  ne  pouvoit  vaquer  qu'a  cela.  Il  accepta  ceste  charge  a  telle  condition,  qu'il  mettroit  tous  les  Sermons  au  net,  et  par  volumes,  lesquels  il  bailleroit  a.  mesure  qu'ils  seroyent  faits,  a  l'un  des  Diacres  pour  les  garder  fidelle-