9:586  chose  qui  meritast  pour  le  moins  d'estre  examinee.  Car  il  exhorte  les  auditeurs  de  se  renger  a  raison  et  verite  avec  docilite  et  modestie,  qui  est  la  reigle  de  bien  apprendre  pour  discerner  entre  le  bien  et  le  mal.  Mais  si  tost  qu'on  a  tourne  le  fueillet,  on  le  voit  enfle  de  telle  presomption,  on  voit  qu'il  s'esleve  en  telle  fierte  et  audace,  on  le  voit  confit  en  si  grande  temerite,  qu'il  luy  sied  tresmal  de  louer  les  vertus  desquelles  il  ne  tient  rien.  Car  comment  celuy  qui  creve  d'orgueil  sera-il  propre  a  enseigner  humilite?  Comment  celuy  qui  mesprise  tout  le  monde,  pourra-il  requerir  qu'on  escoute  paisiblement  ce  qu'il  propose?  Comment  celuy  qui  sans  discretion  desgorge  toutes  les  fantasies  qui  luy  viennent  au  cerveau,  pourra-il  donner  loy  qu'on  soit  de  sens  rassis  et  pose?  Ainsi  pour  acquerir  credit  il  se  devoit  un  peu  mieux  attremper.  Ie  ne  m'enquier  pas  quel  il  est:  car  comme  Dieu  menace  telles  gens  de  les  effacer  du  livre  de  vie  (Ps.  69,  29),  aussi  c'est  bien  raison  que  leur  memoire  soit  ensevelie  ici  bas.  Vray  est  qu'entre  vous  qui  le  cognoissez,  il  doit  estre  marque,  [page  5]  pour  le  fuir  comme  une  peste  mortelle.  Et  d'autant  qu'il  veut  acquerir  bruit,  et  se  faire  valoir  en  malfaisant,  tant  plus  vous  doit-il  estre  detestable.  Quoy  qu'il  en  soit,  en  la  fin  i'ay  bien  voulu  obtemperer  a.  vostre  requeste:  afin  que  si  d'aventure  il  avoit  estonne  quelques  povres  idiots  par  ses  vanteries,  quand  son  impiete  sera  cognue,  iusqu'a  la  toucher  au  doigt,  nul  ne  sabuse  plus  a  luy.  Luy-mesme  met  en  avant  le  sommaire  de  son  livre,  qui  est  de  monstrer  que  nul  ne  doit  hazarder  sa  vie  pour  quelque  usage  ou  abus  que  ce  soit  des  ceremonies,  sinon  que  son  sepulchre  soit  bien  purge  et  net  de  tous  os  morts.  Il  parle  ainsi  de  premiere  entree  avec  ambiguite:  pource  que  la  honte  l'empesche  d'exprimer  franchement  a  quoy  il  pretend.  Mais  tantost  apres  il  passe  plus  outre,  que  ceux