6:586  qu'il  ne  favorise  nullement  a  l'idolatrie  et  superstition  qui  est  la,  et  qu'il  ne  veut  point  consentir  a  choses  qui  sont  repugnantes  a  l'escriture:  mais  qu'il  demande  de  servir  Dieu  purement  en  gardant  ses  sainctes  ordonnances.  Quant  a  ma  part,  premierement  ie  desirerois  que  l'homme  fidele  ne  contemnast1)  rien  de  ce  qui  est  a  l'honneur  de  son  Dieu.  Et  pourtant,  s'il  v  a  la  quelques  observations  bonnes  et  sainctes,  ie  seroye  bien  content  qu'il  les  observast,  sans  se  contaminer2)  toutesfois  [page  123]  d'aucune  chose  meschante.  Mais  pour  ce  que  ie  ne  vois  pas  moyen,  comme  les  abominations  du  Diable  en  la  messe  se  puissent  separer  de  ce  peu  qu'il  y  a  de  Dieu  et  de  Iesus  Christ:  ie  ne  scay  qu'en  dire,  sinon  qu'il  ne  faut  nullement  que  le  temple  dedie  a  Dieu  soit  prophane  d'aucune  chose  immundo.  Et  neantmoins,  ie  ne  suis  pas  d'une  si  extreme  severite,  de  condamner  tous  chrestiens  qui  n'abandonnent  leur  pais  quand  ilz  sont  detenuz  en  ceste  servitude,  comme  si  totalement  ie  desesperoye  de  leur  salut,  mais  pour  le  moins,  ie  les  admoneste  et  exhorte  au  Nom  de  Dieu,  de  venir  souvent  a  compte,  en  examinant  droictement  leurs  consciences,  et  recongnoissant  a  la  verite  combien  il  s'en  faut  qu'ilz  ne  facent  leur  devoir  de  servir  a  Dieu  comme  ilz  devroyent.  Et  ainsi  que  voyant  quelle  misere  c'est  d'estre  en  une  telle  captivite,  ilz  gemissent  et  souspirent,  requerant  [page  124]  Dieu  de  les  en  rachepter  puis  que  luy  seul  y  peut  donner  remede.  D'advantage  que  ceste  congnoissance  les  incite  et  enflambe  aussi  de  prier  Dieu,  qu'il  vueille  remettre  sus  sa  paovre  Eglise:  afin  que  selon  l'ordre  qu'il  a  constitue8)  ilz  luy  puissent  rendre  au  milieu  de  son  peuple  sacrifices  de  louanges  impolluz.  Pareillement  aussi,  les  poulse  et  esmeuve  de  penser  comment  ilz  se  pourront  retirer  de  telle  ordure:  afin  de  ne  point  tenter  la  patience  de  Dieu  en  demeurant  voluntairement  la,  ou  il  ne  leur  est  licite  de  l'honorer  entierement.  Ce  n'est  pas  une  legiere  verge  de  Dieu  que  d'estre  contrainct  de  servir  a  dieux  estranges.  Pourtant,  ceux  qui  le  font  ne  doyvent  point  extenuer  leurs  fautes,4)  ne  prendre  vaine  couverture,  et  se  consoler  et  flatter  en  leur  infirmite:  mais  plustost  doyvent  souvent  reduire  en  memoire  la  paovrete  et  l'offense  qu'ilz  commettent:  afin  de  desirer  plus  ardemment  le  remede  [page  125]  et  chercher  les  moyens  pour  y  parvenir.  1)  mesprisast  1611.  2)  polluer  1611.  3)  establi  1611.  4)  leur  faute  1551  suiv.