32:586  pourtant,  David  cognoissant  que  pour  un  temps  il  avoit  este  assez  farousche,  et  qu'il  n'avoit  chemine  eo  telle  crainte  de  Dieu  qu'il  devoit,  confesse,  encores  qu'il  eust  este  enseigne,  qu'il  estoit  besoin  que  Dieu  le  rengeant.  Seigneur,  dit-il,  ie  confesse  que  i'ay  erre,  voire  devant  que  tu  me  chastiasses:  mais  maintenant  ie  garde  tes  commandemens.  Par  cela  il  signifie  en  somme,  ce  que  i'ay  touche:  c'est  ascavoir,  que  desia  il  estoit  prepare  en  ceste  prudence  de  la  cognoissance  de  Dieu:  l'ayant  toutesfois  prie  qu'il  luy  augtnentast  une  telle  grace,  et  qu'il  l'y  confermast  iusqu'a  ce  qu'elle  fust  parfaite  du  tout.  Cependant  nous  avons  a  noter,  que  David  n'a  iamais  este  un  homme  desbauche,  ne  qui  fust  esgare  comme  sont  beaucoup  de  contempteurs  de  Dieu.  Il  est  vray  qu'il  a  fait  des  fautes  bien  lourdes  et  excessives,  et  ne  fust  que  cest  adultere  qu'il  commit  avec  Beth-sabe  femme  d'Urie,  qui  estoit  un  acte  si  enorme,  que  pour  cela  il  meritoit  bien  d'estre  reiette  de  Dieu.  Et  puis,  il  y  a  eu  de  l'orgueil  en  luy,  quand  il  voulut  faire  les  monstres  du  peuple,  qu'il  estoit  transporte  d'une  vaine  et  folle  arrogance,  qu'il  n'a  point  cognu  qui  c'estoit  qui  l'avoit  esleve  en  ceste  couronne  royale:  et  au  lieu  de  faire  hommage  a  Dieu  d'un  tel  bien,  il  a  voulu  faire  du  cheval  eschappe.  Voyla  des  fautes  qui  sont  lourdes.  Mais  si  nous  regardons  a  la  teneur  de  sa  vie,  nous  trouverons  que  d'un  fil  continuel  il  a  este  un  homme  docile,  un  homme  debonnaire,  qui  a  suyvi  la  vocation  de  Dieu,  et  s'y  est  adonne  du  tout.  Or  il  y  a  grande  difference,  qu'un  homme,  en  toute  sa  vie,  soit  desborde,  ou  bien,  qu'il  commette  quelque  mal  particulier,  monstrant  neantmoins  en  tout  le  reste  une  crainte  de  Dieu.  Comme  il  pourra  advenir,  qu'un  homme  servira  a  Dieu  en  toute  sa  vie,  mais  cependant  il  fera  quelque  cheute,  et  une  cheute  bien  grande:  ainsi  que  nous  voyons  qu'il  en  est  advenu  a  David.  Or  les  autres  sont  meschans  et  contempteurs  de  Dieu  en  toute  leur  vie,  ne  se  delectans  qu'a  mal.  David  ne  fut  iamais  tel:  si  est-ce  toutesfois,  qu'il  confesse  avoir  erre  devant  que  Dieu  le  visitast  par  afflictions.  Et  si  cela  est  advenu  a  David,  que  sera-ce  de  nous?  Ainsi  donc,  cognoissons  que  les  afflictions  nous  sont  plus  necessaires  que  le  pain  et  le  vin.  Nous  demanderons  bien  a  Dieu  qu'il  nous  nourrisse.  Et  bien,  il  nous  donne  conge  de  luy  faire  telle  requeste:  mais  cependant  il  ne  faut  pas  laisser  le  principal:  ascavoir,  qu'il  ne  nous  engraisse  pas  tellement,  que  nous  facions  des  chevaux  retifs,  pour  regimber  a  rencontre  de  luy,  mais  qu'estans  gouvernez  par  sa  bonte,  nous  soyons  paisibles  et  aisez  a  conduire  selon  sa  saincte  volonte.  Tant  y  a  (comme  i'ay  desia  dit)  qu'il  faut  bien  que  nous  soyons  dontez  par  afflictions:  ou  autrement  nous  ferons  des  bestes  errantes  tousiours.  Et  qu'ainsi  soit,  nostre