8:585  585  MICHAELIS  SERVETI.  586  est,  latenter  semper  adfuisse  Christum  sanctis  patribus,  et  inter  angelos  summi  prophetae  officio  functum.  Assuit  nunc  de  suo  Servetus,l)  visibili  forma  et  vera.  Hoc  quoque  concedo.  Sed  quaeritur  an  forma  illa  fuerit  verbi  hypostasis,  et  increatum  corpus,  quod  deinde  in  utero  virginis  in  carnem  conversum  est.  Porro  citius  oleum  ex  lapide  exprimet  Servetus,  quam  ex  Clemente  vocem  educat  probando  tali  portento.  Tametsi  autem  in  eodem  libro  multa  Veterum  testimonia  excusa  sunt,  quibus  non  minus  duriter  quam  malleis  contunditur  Serveti  impietas,  argute  se  explicat,  quod  ibi  tantum  Petri  dicta  observet.  Nec  vero  quia  magnopere  testimoniis  [pag.  172]  illis  confidam,  ea  obiicere  visum  est:2)  sed  ut  ridicula  hominis  vanitas  omnibus  pateret,  qui  nos  de  nihilo  territare  volens,  pro  apostolorum  discipulis  venditat  ignotos  scriptores,  a  quibus  turmatim  obruitur.  Perstat  tamen  in  sua  duritie,  et  se  posse  recipere  dicit.  Quid  hic  dicam  nescio.  Si  testes  mihi  hodie  subornare  liceat,  et  pro  arbitrio  illis  dictare  quod  respondeant:  neque  aliud,  neque  aliter  cuperem  ipsos  loqui,  quam  quod  ad  verbum  illic  legitur.  Uno  tantum  verbo  deflectit  nebulo  iste,  quo  recipere  possit  tam  plenas  sententias,  quibus  errorum  eius  farrago  in  nihilum  redigitur.  Quin  etiam  suum  illud  Mentiris  mihi  ingerit:  quia  eius  commento  Soteri  doctrinam  de  duplici  generatione  opponam.  Quid,  quum  dico  a  Serveto  tradi  (quod  singulae  libri  eius  paginae  sonant)  verbum  Dei  non  fuisse  olim,  nisi  personaliter  genitum  futuri  hominis  respectu,  an  ego  mentior?  Quum  dico  genituram  Dei  et  hominis  confusam  ab  eo  tradi,  qui  clamat  duos  fore  Dei  filios,  si  sermo  incorporeus  ab  eo  genitus  fuerit,  an  ego  mentior?  Denique,  quum  errorem  hunc  refelli  et  concidere  dico,  3)  si  recipimus  Christum  secundum  carnem  filium  esse  hominis  :  quia  vero  secundum  divinam  naturam  ex  patre  ante  saecula  genitus  fuerit,  censeri  Dei  filium,  an  ego  mentior?  Quam  odiosa  illi  sit  idiomatum  communicatio,  et  quam  infestus  contra  eam  ebulliat,  ex  compluribus  eius  dictis  apparet.  Eam  tamen  Eutychianus  asserit:  cui  refragari  non  patitur  antiquitas,  si  Serveto  creditur.  Ne  eum  subito  obmutuisse  quis  putaret:  Ego,  inquit,  idiomata  inter  verbum  et  hominem  communicari  dico  sine  [pag.  173J  vestris  illusionibus:  nempe,  quia  verbum  mortuum  esse  dicit,  et  sapientiam  Dei  esse  unctam.  Loquutionis  autem  ratio  illi  est,  quod  verbum  in  carnem  conversum  fuerit,  et  una  sit  confuse  Dei  essentia  ac  natura.4)  Caeterum,  quid-  1)  Servet  a  icy  cousu  unc  savate  de  sa  boutique.  2)  ie  luy  ay  mis  devant  le  nez  ces  recueils  la.  3)  Add.  selon  le  contenu  exprez  des  parolles  de  Soter.  4)  l'essence  de  Dieu  et  U  nature  de  l'homme  ne  sont  qu'une  cons  at  ement  eu  Christ.