6:585  ENTRE  LES  PAPISTES.  qui  repugne  a  l'honneur  de  Dieu.  Singulierement  que  nous  ayons  en  recommandation  de  bien  instruire  et  endoctrinor  nostre  famille  en  la  crainte  do  Dieu,  et  en  la  verite  de  sa  parolle.  Car  quand  nostre  Seigneur  [page  120]  nous  constitue1)  superieurs  sur  aucuns,  c'est  afin  que  nous  les  gouvernions  en  telle  sorte  qu'il  soit  recongneu  comme  souverain  maistre.  Quant  est  du  second  poinct,  il  ne  faut  doubter  que  toutes  ceremonies,  qui  emportent  idolatrie  manifeste  ,  sont  contraires  a  la  confession  d'un  chrestien.  Pourtant  se  prosterner  devant  les  images,  adorer  les  reliques  des  sainctz,  aller  en  pellerinages,  porter  chandelles  devant  les  ydoles,  achepter  des  messes  ou  des  indulgences,  ce  sont  toutes  choses  meschantes  et  desplaisantes  a  Dieu.  Pareillement  nous  faut  abstenir  de  toutes  ceremonies  conioinctes  avec  superstition  et  erreur:  comme  d'assister  aux  services  qui  se  font  pour  les  niortz,  de  frequenter  messes,  processions  et  autres  services  qui  se  font  en  l'honneur  des  sainctz,  comme  on  les  faict  auiourdhuy.  Car  il  n'y  a  la  rien  que  prophane  et  impur.  La  parolle  de  Dieu  y  est  depravee,  oraisons  y  sont  faictes  non  seulement  folles  [page  121]  et  ineptes,  mais  pleines  de  blasphemes,  et  n'y  a  rien  qui  se  puisse  defendre  par  l'authorite  de  l'eglise  ancienne.  Car  ilz  ont  tout  renverse  et  dissipe  ce  que  les  peres  ont  sainctement  institue  et  observe  le  temps  passe.  Il  faut  aussi  comprendre  en  ce  nombre  les  confreries,  l'eaue  benite,  et  en  somme  toutes  messes  privees,  II  ne  reste  plus  que  la  messe  paroichialle,  et  les  oraisons  qui  s'y  font  au  dimanche,  esquelles  il  faut  participer,  si  on  se  veut  entretenir  en  communion  avec  une  eglise  papistique.  Aucuns,  comme  i'ay  dict,  permettent  et  mesme  consentent  a  un  chascun,  quand  il  luy  est  necessaire  d'habiter  en  un  tel  lieu,  de  venir  le  dimanche  aux  assemblees  et  prieres  avec  les  autres,  veu  que  le  peuple  s'assemble  ce  iour  la  pour  invoquer  Dieu  et  que  la  plus  part  des  oraisons  sont  meilleures  et  plus  sainctes  que  des  autres  iours:  en  tant  qu'elles  sont  prinses  de  l'eglise  ancienne.  Et  pource  qu'on  n'y  peut  avoir  la  Cene  de  nostre  [page  122]  Seigneur  entiere  et  deuement  observee:  ilz  luy  concedent2)  d'estre  a  sa  messe  paroichialle,  Neantmoins  ilz  luy  enioingnent  cependant  deux  choses:  c'est  que  toutes  fois  qu'il  entre  en  la  messe,  puis  qu'il  no  peut  corriger  les  abuz  et  abominations  qui  s'y  font,  qu'il  prie  ordinairement  le  Seigneur  d'y  vouloir  donner  ordre.  Item,  que  de  tout  son  pouvoir,  entant  que  l'opportunite  s'adonnera,  il  s'efforce  de  monstrer  1)  establit  1611.  2)  accordent  1611.