5:585  ACTES  DE  RATISBONNE.  LA  RESPONCE  DES  PBINOES  ET  ESTATZ  PROTESTANS,  FAICTE  A  L'EMPEREUR,  SUR  CESTE  DEMANDE,  CONTENANT  DEUX  PARTIES,  DONT  LA  PREMIERE  EST  DE  LA  DOCTRINE:  ET  A  ESTE  COMPOSEE  PAR  PHILIPPES  MELANCTHON,  COMME  IL  S'ENSUIT.1)  Sire,  nous  avons  leu  1e  Livre  qu'il  vous  a  pleu  mettre  en  avant  pour  monstrer  la  voye  de  moderer  ou  appoineter  les  controversies  de  l'Eglise.  Nous  avons  ouy  aussi  la  relation  de  ceux  qui  avoyent  este  esleuz  de  nostre  part:  affin  de  myeulx  scavoir  ce  qu'ilz  auroyent  approuve  ou  reiette.  Nous  ne  doubtons  pas,  que  vostre  maieste  n'ayt  propose  ce  Livre  a  bonne  intention:  car  nous  avons  mesme  apperceu,  que  ceux  qui  Tont  faict,  ont  cherche  moderation  en  plusieurs  abuz,  tellement  que  si  noz  adversaires  vouloyent  estre  equitables,  il  y  auroit  ia  bonne  entree  faicte  a  concorde.  Pourtant  nous  remercions  vostre  [fol.  88]  maieste  de  ce  qu'elle  ayme  myeulx,  ces  controversies  ecclesiasticques  estre  decidees  par  conference  de  gens  scavans  et  forme  paisible:  laquelle  est  convenable  a  l'Eglise:  priant  Dieu,  de  tellement  gouverner  ces  actions,  que  la  verite  et  doctrine  de  salut  soyent  myeulx  esclarcies  a  l'Eglise  de  Christ.  Or  c'est  chose  pitoyable,  que  a  cause  du  malheur,  qui  est  en  nostre  temps,  tous  les  differens  n'ont  peu  estre  reduis  a  concorde.  Cela  possible  est  advenu,  par  ce  qu'il  est  difficille  d'oster  les  abuz  qui  ont  long  temps  regne,  lesquels  les  uns  entretiennent,  a  cause  de  l'antiquite,  et  de  leurs  predecesseurs,  les  aultres  pour  aultres  causes.  Car  on  ne  peult  nyer,  que  plusieurs  abuz,  long  temps  a,  n'ayent  este  introduictz  en  l'Eglise,  et  que  la  pure  doctrine  de  l'Evangile  n'ayt  este  obscurcie  et  corrumpue:  en  partie,  par  l'ignorance  des  Pasteurs,  laquelle  a  este  tant  a  cause  du  vice,  et  de  la  rudesse  des  temps,  que  pour  la  negligence  des  gouverneurs,  en  partie  d'aultant  que  la  superstition  a  este  profitable  aux  prestres.  Tous  ces  vices  establis  par  longues  annees  ont  maintenant  le  tiltre  de  coustume  ecclesiasticque.  Or,  veu  qu'en  si  grandes  tenebres,  qui  sont  en  l'entendement  humain,  mau-  1)  Cette  piece  se  trouve  chez  Bucer  {Act  Lat.  p.  78  suiv.  Act.  germ.  f.  96a),  Melanchthon  (Act.  Lat.  Opp.  Witt.  IV.  750)  et  Bretschneider  (Corp.  Bef.  IV.  p.  476).  Chez  Bucer  elle  porte  le  titre  suivant.  ,,Kesponsum  Principum  et  Statuum  Protestantium  quo  Imperatoriae  Maiestati  sententiam  suam  do  conciliatis  et  non  conciliatis  in  colloquio  articulis  rogati  exposuerunt,  Autore  Philippo  Melanchthone."  Chez  Melanchthon  le  titre  est  concu  ainsi:  MResponsio  Principum  et  Statuum  coniunctorum  Augustanae  Confessionis  de  libro  exhibito  Imperatori  Carolo  xiug.  XII.  Iulii."  De  la  lettre  a  l'Empereur  qui  precede  le  memoire  ti  existe  deux  recensions  differentes,  V  une  moins  longue  que  Yautre.  Cette  derniere  seule  se  Ut  dans  les  editions  latines,  c'est  donc  celle-ci  seule  que  Calvin  a  eue  sous  ies  yeux.