49:585  585  SUR  L'EPITRE  AUX  CORINTHIENS.  586  teetion,  ils  ne  devoyent  point  craindre  qu'il  ne  fust  assez  puissant  pour  les  garentir  contre  leurs  ennemis.  Or  maintenant  regardons  si  le  peuple  a  peu  avoir  ceste  asseurance  sans  estre  lave  et  nettoye  par  le  sang  de  nostre  Seigneur  Iesus  Christ.  Il  estoit  impossible:  car  Dieu  ne  nous  peut  estre  propice,  iusques  a  tant  qu'il  ait  efface  nos  iniquitez,  nous  scavons  qu'il  n'ha  nulle  accointance  avec  les  pecheurs,  et  que  cela  aussi  est  contraire  a  sa  nature.  Quand  donc  Dieu  nous  aime,  c'est  pource  qu'il  nous  a  receus  a  merci,  et  efface  toutes  nos  macules:  car  nous  ne  luy  pouvons  estre  agreables,  iusques  a  tant  qu'il  nous  ait  nettoyez  et  rendus  iustes.  Cela  se  fait  par  le  sang  de  nostre  Seigneur  Iesus  Christ.  Et  ainsi  il  a  falu  que  le  peuple  eust  un  lavement  spirituel,  veu  qu'autrement  il  ne  pouvoit  pas  estre  aime  de  Dieu,  ni  obtenir  grace  devant  luy.  D'autre  coste  il  faut  que  Dieu  nous  marque  de  son  sainct  Esprit,  devant  que  nous  soyons  siens:  et  cela  nous  est  encores  figure  par  le  Baptesme.  Car  Peau  nous  monstre  que  Dieu  nous  recueille  a  soy,  nous  retire  de  ce  monde,  et  nous  separe  de  toutes  pollutions,  afin  que  nous  luy  soyons  dediez.  Tout  cela  donc  a  este  figure  au  passage  de  la  mer  rouge  (tout  ainsi  que  nous  en  avons  desia  traitte  de  la  nuee)  et  non  seulement  figure  pour  dire  qu'ils  ayent  eu  moins  de  tesmoignage  de  leur  adoption  que  nous  en  avons  auiourd'huy,  et  au  Baptesme,  et  en  la  Cene:  car  ceux  qui  ont  alors  este  couvers  de  la  nuee,  et  qui  ont  eu  passage  a  sec  pour  fuir  la  rage  des  Egyptiens,  ont  este  vrayement  baptizez:  c'est  a  dire  que  Dieu  leur  a  declare  qu'il  les  recevoit  au  rang  de  ses  enfans,  les  vouloit  tenir  de  sa  maison,  et  pour  ceste  cause  les  purgeoit  de  toutes  macules,  afin  qu'ils  luy  fussent  un  peuple  sainct,  comme  souvent  ceste  promesse  leur  a  este  donnee.  Voyla  donc  pour  un  item.  Or  maintenant  nous  avons  a  recueillir  de  la  qu'il  ne  suffira  point  que  Dieu  desploye  sur  nous  sa  vertu,  et  nous  aime,  et  mesme  que  par  effet  il  le  monstre:  mais  nous  avons  besoin  de  quelques  signes  visibles  pour  estre  confermez  tant  plus.  Et  cela  est  a  cause  de  nostre  rudesse.  Dieu  par  sa  Parole  nous  enseigne  assez  de  son  amour,  de  sa  bonte  infinie:  et  cela  nous  devoit  bien  suffire.  Nous  avons  aussi  l'experience  de  l'amour  qu'il  nous  porte,  quand  il  ne  permet  point  que  nous  soyons  destituez  de  rien.  Nous  voyons  que  nous  sommes  nourris  de  sa  main,  qu'il  a  telle  pitie  de  nous,  que  rien  ne  nous  defaut.  Cela  ne  nous  devoit-il  pas  suffire  pour  estre  bien  resolus  de  la  misericorde  de  Dieu  envers  nous,  afin  de  nous  fier  en  luy,  afin  de  l'invoquer,  et  y  avoir  tout  nostre  refuge?  Il  est  certain.  Mais  quoy?  nous  sommes  si  rudes  et  terrestres,  qu'apres  que  Dieu  a  parle,  apres  qu'il  a  estendu  sa  main,  pour  nous  faire  sentir  sa  bonte:  encores  nous  sommes  sourds  et  aveugles,  et  comme  Calvini  opera.  Vol  XLIX.