40:585  585  IN  DANIELEM  CAP.  II.  586  vel  naturale,  vel  humanum.  Et  hoc  clarius  patet  ex  contextu,  quia  subiicit,  esse  Deum  in  coelo,  qui  revelat  arcana.  Nam  D"O  beram  hic  accipio  pro  adversativa  particula.  Opponit  ergo  revelationem  Dei  coniecturis  et  interpretationibus  magorum,  quoniam  omnes  humanae  scientiae  inclusae  sunt  (ut  ita  loquar)  suis  finibus  et  cancellis.  Dicit  igitur  Daniel,  opus  hic  esse  singulari  dono  spiritus  sancti.  Idem  certe  Deus,  qui  patefecit  Danieli  somnium  regis,  etiam  distribuit  pro  suo  beneplacito  unicuique  ingenium  et  acumen.  Unde  fit,  ut  alii  polleant  perspicacia,  alii  autem  vel  hebetes  sint,  vel  tardi?  Unde  fit  ut  alii  proficiant  in  humanis  doctrinis  et  artibus,  alii  autem  iaceant  quasi  inutiles:  nisi  quod  Deus  hac  varietate  ostendit  in  manu  sua  et  arbitrio  esse  vel  mentes  hominum  illustrare,  vel  relinquere  hebetes  et  stupidas?  Quum  igitur  Deus  patefaciat  quidquid  est  intelligentiae  in  mundo,  non  quadraret  in  sensu  generali  quod  hic  dicit  Daniel.  Et  antithesis  ista,  nisi  ad  speciem  referas,  vel  supervacua  esset,  vel  frigida.  Tenemus  ergo  cur  dixerit  proximo  versu,  non  potuisse  exponi  regis  somnium  a  magis  et  astrologis:  quia  scilicet  supra  mensuram  communem  extulerat  Deus  regem  Nebuchadnezer,  ut  per  somnium  illi  ostenderet  quod  futurum  erat.  Est  igitur  Deus  in  coelo  qui  revelat  arcana:  ipse}  inquit,  regi  Nebuchadnezer  quid  futurum  esset  ostendit.  Confirmat  quod  iam  dixi,  nempe  regem  non  potuisse  colligere  quod  Deus  illi  ostendit  per  somnium.  Saepe  enim  fit,  ut  dum  mentes  hominum  discurrunt  huc  et  illuc,  colligant  certas  coniecturas.  Daniel  autem  excludit  humana  media,  et  dicit  somnium  hoc  profectum  esse  a  spiritu  Dei.  Addit,  quid  futurum  esset  in  novissimo^  vel,  in  extremitate,  dierum.  Quaeritur  quid  per  hanc  extremitatem  intelligat.  Conveniunt  interpretes  hoc  debere  referri  ad  Christi  adventum:  sed  non  explicant  cur  adventus  Christi  designetur  sub  hac  voce.  Res  tamen  minime  obscura  est,  quod  extremitas  dierum  vocetur  Christi  adventus,  quia  fuit  quaedam  mundi  renovatio.  Verum  quidem  est,  hodie  mundum  agitari,  ut  olim  antequam  manifestatus  esset  Christus  in  carne:  sed,  sicuti  postea  videbimus,  Christus  in  hunc  finem  venit,  ut  mundum  renovaret:  et  quia  evangelium  est  quasi  rerum  omnium  perfectio,  dicimur  esse  in  novissimis  vel  extremis  diebus.  Comparat  ergo  Daniel  omnes  aetates  quae  praecesserunt  Christi  adventum  cum  hac  dierum  extremitate.  Itaque  Deus  voluit  regi  babylonio  ostendere  quid  tandem  futurum  esset,  postquam  monarchia  una  aliam  delevisset.  Voluit  ergo  ostendere  aliquem  demum  fore  his  mutationibus  finem,  quia  superventurum  esset  regnum  Christi.  Ego  hoc  caput  ideo  breviter  attingo,  quoniam  plura  dicenda  erunt.  Somnium^  inquit,  et  visio  capitis  tui  super  lectum  tuum  haec  est.  Videri  posset  absurdum,  quod  Daniel  hic  profiteatur