32:585  585  SUR  LE  PSEAUME  CXIX.  586  en  l'Evangile,  ny  en  toute  l'Escriture  saincte,  que  nous  n'ayons  ceste  modestie  en  nous,  de  nous  renger  a  Dieu:  estans  tous  persuadez  que  ce  que  nous  le  tenons  estre  bon  et  fidele  envers  nous,  n'est  rien  au  prix  de  ce  qu'il  en  veut  faire  de  son  coste,  attendans  qu'il  le  nous  ait  monstre:  car  nous  sommes  rudes  et  grossiers,  et  ne  pouvons  concevoir  les  choses  qui  sont  necessaires  a  nostre  salut,  iusques  a  tant  que  nous  ayons  renge  nos  esprits  a  ceste  raison-la.  Et  voyla  pourquoy  il  y  en  a  auiourd'huy  si  peu  qui  soyent  vrais  escoliers  de  Dieu.  Car  combien  en  trouvera-on  qui  ayent  leur  esprit  ainsi  abatu  comme  il  faut?  Mais  la  pluspart  sont  des  fols  outrecuidez.  Il  y  en  aura  beaucoup  qui  tiendront  autant  de  conte  de  la  parole  de  Dieu,  comme  si  quelque  homme  mortel  et  incognu  avoit  parle.  D'autant  donc  que  les  hommes  viennent  ainsi  a  Dieu  avec  un  tel  orgueil,  il  ne  se  faut  point  esbahir  s'il  les  destitue  de  sens  et  de  raison  :  et  combien  que  le  soleil  luise  devant  leurs  yeux,  ils  demeurent  tousiours  aveugles,  et  tastonnent  comme  en  tenebres,  et  s'esgarent  en  la  fin  pour  se  rompre  le  col.  Il  ne  se  faut  point  esbahir  de  cela,  si  Dieu  les  prive  de  sa  grace,  puis  qu'ils  ne  se  sont  point  submis  a  sa  parole.  Ainsi,  quand  nous  aurons  cecy  en  nous  d'avoir  attribue  a  Dieu  l'authorite  et  honneur  qu'il  merite,  nous  pourrons  a  l'exemple  de  David,  esperer  qu'il  nous  instruira  de  plus  en  plus:  et  luy  pourrons  aussi  faire  ceste  demande.  Oar  voyla  le  premier  degre  de  toute  la  sagesse  des  Chrestiens  :  c'est  ascavoir,  qu'ils  s'humiiient  en  sorte  qu'ils  soyent  preparez  a  recevoir  tout  ce  que  Dieu  dira.  Quand  ils  ont  un  tel  preparatif,  ils  ne  peuvent  faillir,  et  ne  doyvent  point  craindre  que  iamais  Dieu  les  laisse:  mais  qu'il  desployera  sa  vertu  pour  les  maintenir,  comme  il  leur  en  a  fait  la  promesse.  Voyla  donc  quant  a  ces  deux  premiers  versets.  Or  il  s'ensuit,  Devant  que  ie  fusse  afflige,  i'erroye  :  mais  maintenant  ie  garde  ta  parole.  Yci  David  signifie  qu'il  a  este  mieux  domte  qu'il  n'estoit  auparavant  qu'il  eust  este  corrige  de  Dieu.  Comme  s'il  disoit,  Et,  Seigneur,  entre  les  autres  benefices  que  i'ay  desia  alleguez,  cestuy-ei  en  est  un  que  tu  m'as  humilie  par  afflictions:  voyla  qui  me  fait  garder  tes  commandemens.  Or  quand  nous  allegons  ainsi  a  Dieu  les  graces  qu'il  nous  a  faites  pour  nous  preparer  a  le  servir,  c'est  afin  qu'il  nous  les  augmente  et  accroisse  de  plus  en  plus,  iusqu'a  ce  qu'il  les  ait  amenees  a  leur  fin.  Maintenant  nous  avons  a  noter,  suyvant  ce  propos-la,  l'ordre  que  tient  David:  Seigneur,  dit-il,  ie  confesse  que  i'ay  erre.  Le  premier  poinct  est  ceste  confession  qu'il  fait:  car  quand  Dieu  nous  trouve  comme  sauvages  et  difficiles  a  renger,  il  faut  que  ceste  obstinationla  soit  dontee,  et  qu'il  use  de  regime  envers  nous,  afin  que  puis  apres  nons  sentions  sa  douceur.  Et