25:585  585  NOTICE  LITTERAIRE.  586  a  ceste  purete  du  service  de  Dieu,  fuyans  avarice,  qui  est  aussi  nommee  idolatrie,  ambition,  les  dissolutions  et  vanitez  de  ce  monde,  nous  donnans  garde,  entant  que  faire  se  peut,  qu'aucun  ne  soit  aliene  de  l'Evangile  par  nostre  imprudence:  afin  qu'on  puisse  cognoistre  que  ceux  qui  n'obeissent,  cerchent  des  excuses,  et  prennent  les  scandales  sans  que  nous  leur  en  baillions.  Au  surplus,  l'aveuglement  estrange,  ou  plustost  l'obstination  endurcie,  qu'on  voit  auiourdhuy  en  plusieurs  de  ceux  qui  se  disent  Chrestiens,  nous  doit  tant  plus  rendre  ardens  en  prieres  pour  la  fin  qui  a  este  dite,  assavoir  qu'il  plaise  a  ce  bon  Dieu  besongner  avec  efficace  es  coeurs  des  hommes,  tant  des  grans  que  des  petis,  des  rois,  des  princes,  et  autres  gouverneurs,  ensemble  de  leurs  suiets,  afin  que  le  povre  monde  ne  demeure  point  tousiours  a  l'ABC  de  la  Chrestiente,  sans  le  pouvoir  apprendre.  Nous  appellons  l'ABO,  ce  second  commandement:  pource  que  c'est,  et  a  tousiours  este,  une  des  premieres  et  des  plus  certaines  maximes  de  la  vraye  religion,  et  mesmes  c'est  une  dependence  necessaire  du  premier  commandement.  Car  quiconque  mesle  la  reverence  des  images  parmi  le  service  de  Dieu,  met  en  avant,  entant  qu'en  luy  est,  autres  dieux  que  le  vray  Dieu.  Et  c'est  merveille  comment  le  monde  ne  devient  point  sage  par  tant  de  chastiemens,  que  Dieu  a  desployez  et  desploye  encore,  pour  l'admonester  de  venir  a  repentance.  Car  depuis  cinquante  ans  en  ca,  que  Dieu  par  sa  grace  a  remis  sus  en  quelques  lieux  la  predication  de  l'Evangile:  outre  ce  que  les  annees  precedentes  il  avoit  assez  frappe  de  ses  verges  les  peuples  de  la  terre,  il  a  fait  sentir  ses  fleaux  en  diverses  sortes,  punissant  le  mespris  de  sa  saincte  doctrine.  Or  toutesfois  nous  esperons  que  Dieu,  pourveu  que  nous  perseverions  a  le  prier,  monstrera  avec  le  temps  par  effect  plus  abondant  qu'il  a  exauce  en  ceci  mesmes  les  prieres  des  ses  povres  fidelles,  et  retirera  le  reste  de  ses  Eglises  de  la  miserable  desolation,  qui  a  cause  de  nos  pechez  a  par  trop  long  temps  dure.  Nous  en  avons  de  bons  gages  en  l'avancement  qu'il  luy  a  pleu  donner,  non  obstant  que  Satan  ait  escume  de  rage  de  tous  costez  contre  l'Evangile.  Car  tant  y  a  que  la  saincte  doctrine  resonne  aux  aureilles  du  povre  peuple  en  divers  lieux,  le  Baptesme  et  la  Cene  de  nostre  Seigneur  sont  administrez  purement,  les  louanges  de  Dieu  retentissent  en  Pseaumes  et  Cantiques  intelligiblement,  le  Pere  est  invoque  au  nom  de  Iesus  Christ  nostre  esperance,  et  le  seul  advocat  des  povres  pecheurs.  Il  est  vray  qu'il  y  en  a  qui  esperent,  ou  pour  le  moins  desirent,  que  comme  ceste  annee  il  y  a  Eclipse  du  soleil,  il  y  ait  aussi  Eclipse  perpetuelle  de  la  predication  de  l'Evangile:  mais  avec  l'aide  de  Dieu,  et  de  Iesus  Christ  nostre  grand  soleil,  ils  seront  trompez.  Or  en  attendant  que  le  regne  de  Dieu  s'estende  encore  plus  amplement  ici  bas,  nous  prions  tous  ceux  qui  desirent  d'avoir  l'intelligence  et  la  pratique  de  la  doctrine  de  ce  beau  livre  de  Moyse,  de  prendre  la  peine  de  lire  les  presens  sermons  du  fidelle  serviteur  de  Dieu  maistre  Iean  Calvin:  duquel  comme  la  voix  et  la  plume  ont  servi  a  l'Eglise  durant  sa  vie  (quoy  que  disent  auiourdhuy  certains  Balaams)  nous  tenons  pour  certain  que  les  escrits  edifieront  tousiours  quelqu'un  ci  apres,  Dieu  aidant.  Au  reste,  ce  seroit  une  chose  superflue,  d'admonnester,  et  prier,  qu'on  ait  esgard  que  l'Imprimeur  ne  perde  le  fruict  de  son  labeur,  et  les  fraix  qu'il  luy  a  convenu  faire  pour  la  presente  impression,  si  ce  n'estoit  l'avarice  et  cupidite  insatiable  qui  regne  auiourdhuy  en  cest  estat:  qui  fait  quelques  fois  que  les  uns  courent  sur  les  autres  sans  honnestete  et  conscience  quelconque.  Encore  nous  fussions-nous  deportez  de  cest  advertissement,  aimans  mieux  laisser  les  imprimeurs  demesler  entre  eux  leurs  interests  particuliers,  s'il  n'y  avoit  une  raison  qui  nous  contreint  notamment  de  tomber  sur  ce  propos:  c'est  que  non  seulement  en  d'aucuns  lieux  on  reimprime  si  a  la  haste  les  livres  de  cest  excellent  Docteur  M.  Iean  Calvin,  imprimez  ici,  que  c'est  pitie  de  voir  ouvrage  d'imprimerie  si  mal  correct:  mais  qui  plus  est,  d'autres  en  sont  venus  iusques  a  imprimer  sous  le  nom  dudit  Calvin  des  copies  imparfaites,  qu'ils  ont  recouvrees  ou  ils  ont  peu,  par  surprinse.  Nous  ne  savons  pas  ce  qui  y  peut  estre:  mais  tant  y  a  qu'ils  font  tort  a  l'autheur  et  a  l'Eglise  de  Dieu.  Mesmes  ils  font  une  ouverture  qui  pourroit  estre  dangereuse  a  I'ad-