7:584  adhaerent  nobis,  nec  mors  eos  corporalis  ex  mystici  corporis  Christi  compage  praescindere  aut  separare  potest.  Quum  itaque  talem  orandi  formam  nobis  [pag.  65]  Dominus  insinuaverit,  ut  nemo  pro  sua  tantum,  sed,  velut  magnae  communionis  civis,  pro  omnium  utilitate  rogare  debeat,  et  per  apostolum  praecipiat  nos  pro  invicem  orare^  ut  salvemur:  magnae  in  consortes  suos  crudelitatis,  et  contra  Dominum  detestandae  temeritatis  fuerit,  si  quis  a  commercio  orationum  nostrarum  in  Christo  defunctos  excluserit:  quod  eum  facere  nusquam  scriptura  praecipit,  et  communionis  spiritualis,  quam  cum  sanctis  omnibus  profitemur,  ratio  diserte  vetat.  Hanc  autem  consuetudinem  per  totam  Christi  ecclesiam  divulgatam,  qua  circa  altaris  sacrificium  memoria  defunctorum  adhibetur,  ex  apostolica  traditione  promanasse,  magnis  et  fide  dignis  testimoniis  abunde  doceri  potest.  Dionysius  Areopagita  Ub.  Ecclesiasticae  Hierarchiae  cap.  7:De  prece  super  defunctis  facienda,  ex  divinis  ducibus,  hoc  est,  apostolis  traditio  pervenit  ad  nos.  Ubi  et  totum  harum  precum  ordinem  et  rationem  luculenter  explicat.  Precatur,  inquit,  oratio  illa  divinam  clementiam,  ut  cuncta  dimittat  per  humanam  infirmitatem  admissa  peccata  defuncto,  eumque  in  luce  statuat  et  regione  vivorum.  Chrysostomus  ad  populum  Antiochenum  Hom.  69:  Non  temere,  inquit,  ab  apostolis  haec  sancita  fuerunt,  ut  in  tremendis  mysteriis  defunctorum  agatur  commemoratio,  [pag.  ee]  Sciunt  enim  illis  inde  multum  contingere  lucrum:  quum  enim  constiterit  populus  extensis  manibus,  et  tremendum  proponatur  sacrificium,  quomodo  Deum  non  exorabimus  pro  his  deprecantes?  l)  Damascenus2):  Apostoli,  inquit,  discipuli  salvatoris,  qui  totius  mundi  circulum  cepere  praedicando  verbum  vitae,  quod  suis  oculis  viderant,  in  tremendis  vitalibusque  sacramentis,  memoriam  eorum  qui  fideliter  obdormierunt,  habendam  edixerunt:  quod  adhuc  firmiter  atque  adeo  sine  contradictione  observat  apostolica  et  catholica  ecclesia  Christi  et  Dei,  a  finibus  usque  ad  fines  terrae,  ab  eo  tempore  usque  in  praesens  et  in  finem  mundi  usque.  Augustinus:  Neque  negandum  est,  defunctorum  animas  pietate  suorum  viventium  relevari,3)  quum  pro  illis  sacrificium  mediatoris  offertur,  vel  eleemosynae  in  ecclesia  fiunt:  sed  haec  eis  prosunt,  qui  quum  viverent,  ut  hac  eis  prodesse  possent,  meruerunt,*)  ete.  Similia  vide  apud  Epiphanium  lib.  3  contra  1)  cf.  Chrys,  in  1  Cor.  homil.  41.  2)  In  sermone  de  iis  qui  in  fide  hinc  migraverunt.  3)  In  nonnullis  ead.  perperam  legitur  revelari.  Versio  habet:  soulages.  Exemplar  germanicum  authenticum  :  erleuchtet  (erleichtert?).  4)  In  Enchirid,  cap.  110;  in  quaest.  2  ad  Tulit.  (Dulcitium).