6:584  purement  administree,  il  ne  reiecte  point  les  reliques  qu'il  en  peut  avoir:  combien  qu'il  y  ait  beaucoup  a  redire.  Quant  a  moy,  ie  y  vois  bien  une  perplexite.  Car  i'estime  que  la  messe  papistique  est  une  pure  abomination,  laquelle  n'est  autrement  coloree  que  du  tiltre  de  la  Cene,  sinon  comme  le  Diable  se  transfigure  en  Ange  de  lumiere.  Puis  que  ainsi  est  donc,  que  le  mystere  de  la  Cene  y  est  prophane  et  aneanty:  ie  ne  scay  comme  nous  la  pourrions  avoir  au  lieu  de  la  Cene.  Ce  qu'on  allegue,  que  l'homme  craingnant  Dieu  n'y  vient  sinon  pour  communiquer  avec  les  Chrestiens  en  prieres  et  oraisons,  et  pour  honnorer  Dieu  en  la  memoire  de  son  Sacrement:  et  que  cependant  il  deteste  en  son  cueur  tous  les  blasphemes  qui  s'y  font,  pour  ce  qu'il  ne  peut  pas  appertement  les  condamner:  cela  ne  me  semble  [page  118]  point  advis  aucunement  ferme.l)  Car,  comme  dit  le  Prophete,  celuy  se  garde  d'idolatrie,  qui  ne  participe  point  aux  sacrifices  des  idoles  (Ps.  16,  4).  Or  on  ne  peut  nier,  que  la  messe  ne  soit  un  idole  dresse  au  Temple  de  Dieu.  Celuy  donc  qui  y  assiste,  monstre  exemple  aux  simples  et  aux  ignorans  de  l'avoir  en  reverence  comme  bonne:  et  ainsi  il  est  coulpable  devant  Dieu  de  la  ruine  d'iceluy  qu'il  trompe,  en  ceste  maniere.2)  Mais  pource  qu'il  pourroit  sembler  advis  a  aucuns  que  ie  tienne  trop  grand  rigueur,  i'admonneste  tout  homme  fidele  de  bien  considerer  la  chose.  Quant  est  du  iugement  de  ma  conscience,  ie  ne  vois  point  que  cela  se  puisse  excuser.  Et  ma  raison3)  qui  m'induit  a  ainsi  iiiger,  me  semble  trop  peremptoire  pour  la  pouvoir  refuter,  ou  reiecter.  Maintenant  afin  qu'on  voye  plus  facilement  ce  que  i'en  puis  conseiller,  ie  reduiray  le  tout  en  briefve  somme.  Premierement  tous  serviteurs  de  Dieu  [page  119]  sans  difficulte  requerront  cela  de  l'homme  fidele,  que  non  seulement  il  ayme  et  honnora  Dieu  en  purete  et  innocence  de  cueur:  mais  que  aussi  il  testifie  l'amour  et  honneur  qu'il  luy  porte  au  dedans  par  exercices  exterieurs.  Ceste  testification  est  conbtituee  en  deux  poinctz,  assavoir  en  confession  de  bouche  et  en  adoration  exterieure,  ou  en  ceremonies.  Quant  est  de  declarer  nostre  foy  de  bouche,  on  n'y  peut  imposer  certaine  loy,  sinon  que  comme  nostro  vocation  porte,  et  tant  que  l'occasion  nous  en  est  donnee,  chascun  de  nous  en  son  endroict  s'employe  et  face  son  devoir  que  le  Nom  de  Dieu  soit  sanctifie  en  toutes  ses  parolles.  Item  qu'il  ne  seigne,  ne  face  semblant  de  consentir  aux  meschantes  doctrines  ny  a  tout  ce  1)  cela  ne  me  semble  aucunement  ferme  1611.  2)  matiere  1551  smv.  3)  la  raison  1566  suiv.