49:584  fait  servir  ces  deux  signes  a  une  fin  plus  haute.  Autant  en  a-il  este  de  la  Manne.  Notez  bien  donc  quand  Dieu  a  estendu  une  nuee  sur  le  peuple  d'Israel,  laquelle  estoit  pour  empescher  la  chaleur  du  soleil,  afin  que  le  peuple  ne  fust  point  brusle  en  ce  desert.  Ii  "est  vray  qu'en  cela  desia  il  monstre  sa  pitie  et  bonte  paternelle  envers  eux:  mais  il  y  avoit  une  chose  plus  excellente,  c'est  qu'il  s'est  monstre  leur  protecteur  en  tout  et  par  tout:  car  Dieu  pouvoit  bien  envoyer  quelque  frescheur  au  peuple:  il  pouvoit  bien  faire  que  le  soleil  n'eust  pas  une  vertu,  ne  si  ardente  pour  nuire  a  ces  povres  gens  qui  estoyent-la  en  leurs  tentes,  qui  n'avoyent  point  autre  retraite  que  le  milieu  du  desert:  mais  il  leur  a  voulu  donner  un  signe  visible,  la  ou  ils  cognussent  qu'il  estoit  prochain  pour  les  soutenir.  Or  quand  Dieu  se  declare  ainsi  prochain  de  nous,  ce  n'est  pas  tant  seulement  pour  la  pasture  de  nostre  ventre,  ce  n'est  point  seulement  pour  ce  qui  concerne  ceste  vie  fragile,  mais  il  nous  mene  plus  haut:  en  somme  il  nous  monstre  qu'il  nous  est  Pere,  nous  ayant  adoptez  pour  ses  enfans.  Car  a  quelle  fin  tend  nostre  adoption?  Ce  n'est  pas  que  nous  soyons  ici  engraissez  comme  des  bestes  brutes,  que  nous  ayons  nos  aises  et  delices  en  ce  monde,  mais  afin  que  nous  parvenions  a  l'heritage  eternel.  Concluons  donc  que  la  presence  de  Dieu  nous  est  comme  UD  gage  de  uostre  salut,  et  d'une  felicite  parfaite.  Et  ainsi,  quand  Dieu  a  voulu  que  la  nuee  conduisist  le  peuple  d'Israel  par  le  desert,  il  leur  a  voulu  quant  et  quant  monstrer  qu'il  estoit  leur  conducteur  et  leur  guide.  Et  mesmes  sainct  Paul  adiouste  a  la  fin,  que  c'a  este  nostre  Seigneur  Iesus  Cbrist,  qui  a  este  leur  capitaine  et  comme  chef  du  peuple.  Car  nous  scavons  que  nostre  Seigneur  Iesus  Christ  n'est  pas  seulement  venu  au  monde  pour  nous  donner  ce  qui  nous  est  propre  pour  ceste  vie  caduque:  son  office  s'estend  bien  plus  loin  :  car  nous  scavons  que  son  Royaume  est  spirituel,  et  ainsi  il  n'y  a  nul  doute  que  la  nuee  n'ait  servi  au  peuple  ancien,  de  leur  monstrer  que  Dieu  leur  tendoit  la  main,  pour  tousiours  les  tenir  sous  sa  garde  :  et  que  c'estoit  afin  qu'ils  le  receussent  comme  leur  Pere,  et  qu'en  s'appuyant  sur  sa  bonte,  ils  fussent  apprins  a  se  fier  du  tout  en  luy:  et  qu'ils  ne  doutassent  point,  puis  qu'il  les  avoit:  adoptez  pour  un  coup,  que  c'estoit  pour  les  amener  iusques  a  la  vie  celeste.  Sainct  Paul  donc  non  sans  cause  dit  que  la  nuee  a  este  au  peuple  d'Israel  pour  le  Baptesme:  e'est-a-dire  qu'elle  leur  a  servi  d'un  tel  tesmoignage  ou  sacrement:  comme  auiourd'huy  le  Baptesme  nous  est  ordonne.  Autant  en  est-ii  du  passage  de  la  mer  rouge.  Il  est  vray  que  lors  Dieu  les  a  retirez  de  la  main  de  Pharao  et  du  peuple  des  Egyptiens:  mais  estoit-ce  le  principal?  Nenni,  comme  nous  avons  declare.  Depuis  qu'ils  estoyent  sous  sa  pro-