5:583  ACTES  DE  RATISBONNE.  APRES  QUE  LES  DEPUTEZ  EURENT  MIS  FIN  A  LEUR  CONFERENCE,  ET  FAICT  LE  RAPPORT  A  L'EMPEREUR,  IL  FIT  ASSEMBLER  LES  ESTATZ,  ET  LEUR  REMONSTRER  PAR  LE  DUC  FREDERICK,  CE  QUI  S'ENSUIT.  1)  L'Empereur,  nostre  souverain  seigneur,  ne  doubte  pas  que  les  Electeurs,  Princes  et  Estatz,  ne  se  souviennent  bien  de  ce  qu'il  leur  a  propose  au  commencement:  et  comme  par  le  consentement  commun  de  tous  il  a  ordonne  quelques  hommes  scavantz  d'une  part  et  d'aultre,  pour  noter  les  articles  qui  sont  en  different,  touchant  la  Religion,  et  adviser  des  moyens  de  faire  quelque  bon  accord  :  toutesfoys,  avec  tel  si,  que  tout  ce  qui  auroit  este  traicte  et  arreste  entre  eulx,  fust  sans  preiudice,  d'une  partie,  ne  de  l'aultre:  mais  que  tout  se  rapporteroit  a  l'Empereur,  [fol.  86]  aux  Electeurs,  Princes  et  Estatz,  pour  en  deliberer,  communiquant  ce  qui  auroit  este  faict,  au  Legat  du  Pape:  suyvant  la  conclusion  ~de  la  iournee  de  Haguenau.  Or  affin  que  les  deputez  eussent  meilleur  ordre  a  proceder,  l'Empereur  leur  a  faict  donner  un  livre  compose  par  hommes  scavans  et  craignans  Dieu  (car  tel  rapport  en  a  este  faict  a  sa  maieste,  par  gens  dignes  de  foy)  auquel  livre  sont  contenuz  les  moyens  de  povoir  accorder  les  controversies.  Ainsi  il  a  ordonne,  qu'il  fust  leu  de  poinct  en  poinct,  en  la  presence  des  Presidens  et  auditeurs,  par  luy  commis  a  cela:  affin  qu'on  print  tout  ce  qui  seroit  propre  a  concorde:  au  contraire,  s'il  y  avoit  chose  qui  ne  deust  estre  admise,  que  les  deputez  la  corrigeassent.  Or  eux  pour  obeir  au  commandement  de  l'Empereur,  ont  mis  telle  diligence,  que  le  plus  grand  nombre  des  articles,  et  de  la  plus  grande  importance,  qui  estoyent  au  paravant  en  debat,  ont  este  accordez,  avec  telle  condition,  qu'il  seroit  en  la  puissance  de  l'Empereur  et  des  estatz  de  passer  tel  accord,  ou  non,  selon  que  bon  leur  sembleroit.  Quant  aux  articles,  qui  estoyent  demeurez  en  different:  il  1)  Cette  note  et  le  discours  du  duc  Frederic  qui  suit,  et  avec  lequel  il  remet  aux  Etats  les  Actes  du  colloque,  se  trouvent  dans  Bucer  j  mais  ce  n'est  que  L'edition  allemande  qui  leur  assigne  leur  vraie  place  (f.  88.  r.)  au  8.  Juin.  Dans  sedition  latine  ces  textes  se  lisent  apres  la  preface  (A.  iij).  Voici  du  reste  le  titre  qu'ils  y  portent:  Scriptum  quo  Imperator  Acta  Colloquii  Ordinibus  Imperii  primum  proposuit  ac  sententiam  de  conciliatis  et  non  concilians  articulis  rationeque  reformationis  instituendae  illos  rogavit.