49:583  583  SERMONS  584  profanees  entre  nous,  la  condamnation  en  doit  estre  plus  horrible.  Mais  sainct  Paul  s'est  contente  de  monstrer  que  nous  n'avons  point  un  privilege  pour  nous  exempter  des  chastimens  qui  sont  advenus  en  l'Eglise  ancienne.  Et  pourquoy?  si  nous  mettons  en  avant  nostre  Baptesme,  ils  ont  este  baptizez,  dit  8.  Paul.  Si  nous  disons  que  nous  avons  la  Cene,  qui  nous  est  un  gage  que  nous  sommes  membres  de  Iesus  Christ,  ils  ont  eu  un  sacrement  qui  estoit  semblable  a  celuy  qu'auiourduy  nous  recevons.  Car  quand  ils  ont  mange  la  Manne,  ce  leur  a  este  un  tesmoignage  que  Dieu  les  nourrissait  par  nostre  Seigneur  Iesus  Christ  :  quand  ils  ont  beu  l'eau  qui  sortoit  du  rocher,  autant  en  a  ce  este.  Nous  voyons  donc  que  si  que  quelqu'un  auiourd'huy  se  flate  et  s'abuse,  en  quidant  que  Dieu  le  supportera  plustost  que  le  peuple  ancien,  il  faut  qu'il  regarde  a  ceci.  Vray  est  que  les  punitions  ont  este  plus  patentes  en  ce  peuple-la  qu'elles  ne  seront  auiourd'huy  :  et  ce  pour  cause,  ainsi  que  nous  pourrons  traitter  en  la  deduction  du  texte.  Mais  quoy  qu'il  en  soit,  si  faut^  il  conclurre  que  nous  passerons  tous  par  la  main  de  Dieu,  et  faudra  que  nous  rendions  conte,  si  nous  ne  poursuivons  nostre  course,  en  laquelie  il  nous  a  mis:  et  quiconque  se  sera  desbauche,  Dieu  ne  mettra  point  en  oubli  son  ingratitude.  Mais  pour  mieux  comprendre  toute  l'intention  de  sainct  Paul,  poursuyvons  l'ordre  qu'il  a  ici  tenu.  Il  met  ceste  preface,  que  les  peres  ont  este  baptizez  en  la  nuee,  et  au  passage  de  la  mer  rouge,  qu'ih  ont  mange  la  viande  spirituelle,  comme  auiourd'huy  nous  l'avons:  qu'ils  ont  beu  aussi  le  breuvage  spirituel  qui  nous  est  donne.  Nous  avons  desia  declare  pourquoy  sainct  Paul  notamment  a  voulu  exprimer  ceci:  c'est  a  scavoir  afin  que  nous  ne  pensions  point  estre  en  un  degre  plus  haut  que  les  enfans  d'Israel,  pour  dire  qu'encore  qu'ils  ayent  este  punis,  nous  serons  exemptez.  Sainct  Paul  donc  veut  monstrer  que  nous  leur  tiendrons  compagnie  a,  estre  punis,  d'autant  que  Dieu  a  mis  une  conionction  telle  entr'eux  et  nous,  que  comme  ils  nous  ont  precede  au  chemin  de  salut,  aussi  quand  nous  voudrons  estre  pervers  et  corrompus,  ainsi  qu'aucuns  d'eux  ont  este,  il  faudra  que  nous  soyons  abysmez  quant  et  quant  eux.  Or  de  prime  face  il  sembleroit  que  S.  Paul  mist  ici  double  Baptesme  pour  les  enfans  d'Israel.  Car  il  dit  qu'ils  ont  este  baptizez  en  la  nuee,  et  ont  este  baptizez  en  la  mer  rouge.  Mais  il  n'y  a  nul  inconvenient,  que  ces  deux  signes-la  ayent  este  pour  testifier  a  l'Eglise  ancienne,  ce  que  Dieu  auiourd'huy  nous  monstre  au  Baptesme.  Ii  est  vray  que  la  nuee  leur  servoit  d'un  usage  temporel:  comme  aussi  par  leur  passage  de  la  mer  rouge,  quand  Dieu  leur  a  fait  le  chemin  sec,  il  leur  a  donne  delivrance  corporelle,  et  cependant  leurs  ennemis  ont  este  acablez.  Mais  cela  n'empesche  pas  que  Dieu  n'ait