32:583  583  NEUFIEME  SERMON  584  soudre,  qu'il  la  sentira  aussi  bien  a  l'advenir.  Car  Dieu  ne  varie  point:  et  comme  desia  i'ay  touche,  sa  grace  ne  va  point  en  diminuant,  mais  il  la  veut  tousiours  augmenter  envers  nous.  Et  ainsi  apprenons  a  l'exemple  de  David  toutes  fois  et  quantes  que  nous  avons  a  prier,  de  nous  mettre  au  devant,  et  reduire  en  memoire  les  benefices  que  desia  nous  avons  receus  de  la  main  de  Dieu,  et  que  ce  nous  soit  comme  une  entree  de  priere,  que  sur  cela  nous  concluons,  que  si  Dieu  s'est  monstre  liberal  par  cy  devant:  que  nous  le  sentirons  tel  a  l'advenir  iusqu'a  1a  fin.  Or  notamment  David  adiouste,  Selon  ta  parole:  et  non  sans  cause  :  car  ce  n'est  pas  le  tout  que  nous  cognoissions  que  Dieu  nous  a  fait  du  bien,  et  que  nous  scachions  que  c'est  de  luy  qu'il  nous  est  procede:  mais  il  faut  que  ceste  confiance-cy  soit  adioustee,  ascavoir,  qu'il  l'a  fait  selon  sa  parole.  Tout  ainsi  qu'une  viande,  encore  qu'elle  soit  bonne,  n'ha  point  de  saveur,  mais  est  toute  fade  sans  sel:  aussi  les  benefices  de  Dieu  n'auront  point  un  vray  goust,  pour  estre  savourez  de  nous  comme  il  appartient,  si  ce  n'est  que  ce  sel-cy  soit  adiouste  pour  les  confire:  ascavoir,  que  nous  cognoissions  que  le  bien  que  Dieu  nous  a  fait,  a  este  selon  sa  parole.  Et  pourquoy  cela?  Car  si  nous  n'avions  la  parole  de  Dieu  et  ses  promesses:  et  bien  (comme  i'ay  desia  declare)  nous  pourrons  bien  luy  faire  quelques  requestes,  et  viendrons  a  luy,  en  nous  fondant  sur  ce  que  desia  nous  avons  este  aidez  par  sa  pure  bonte:  mais  cependant,  si  -  ne  serons-nous  point  asseurez  qu'il  vueille  tousiours  faire  le  semblable,  ne  qu'il  demeure  ferme  en  cela,  quand  il  aura  commence,  qu'il  vueille  achever:  nous  ne  pourrons,  dy-ie,  avoir  telle  certitude  sans  sa  parole.  Mais  quoy?  Quand  Dieu  nous  dit,  Or  ca,  ie  vous  veux  estre  Pere,  et  me  monstrer  Sauveur  envers  vous,  et  me  sentirez  tel  a  iamais:  nous  apres  avoir  senti  l'experience  et  l'effect  de  telles  promesses,  pouvons  bien  alors  appliquer  a  tel  usage  que  i'ay  dit,  ses  benefices:  Dieu  m'a-il  fait  du  bien  pour  une  bouffee?  A-ce  este  seulement  que  cela  luy  soit  venu  a  propos,  et  que  maintenant  il  ne  vueille  point  continuer?  Nenny:  mais  il  l'a  fait  selon  sa  parole.  Or  la  parole  de  Dieu  e8t-elle  pour  un  iour  ou  pour  un  mois?  Non,  elle  demeure  et  en  la  vie  et  en  la  mort.  Concluons  donc  qu'il  y  a  une  teneur  perpetuelle  aux  benefices  de  Dieu,  et  qu'il  Jes  veut  continuer  envers  ceux  qui  n'en  sont  point  ingrats.  Voyla  comme  ce  mot  qu'adiouste  David  n'est  point  superflu,  mais  emporte  une  grande  substance,  quand  il  dit,  Seigneur,  tu  m'as  fait  bien,  voire  selon  ta  parole.  Si  donc  nous  voulons  estre  confermez  par  les  benefices  de  Dien  que  nous  avons  receus  par  cy  devant:  et  quand  nous  luy  ferons  nos  requestes,  si  nous  voulons  estre  exaucez  de  luy,  il  faut  que  ses  benefices  soyent