25:583  583  NOTICE  LITTERAIRE.  584  que  c'est  delaisser  la  vraye  Chrestiente,  et  en  prendre  une  bastarde.  Si  on  veut  escouter  Moyse  parlant  en  ce  livre  (comme  il  le  faut  escouter,  ou  bien  demeurer  convaincu  qu'on  veut  renoncer  Dieu  le  Pere,  et  son  Fils  nostre  Seigneur  Iesus  Christ,  qui  est  le  vray  Dieu  et  la  vie  eternelle,  et  resister  au  sainct  Esprit)  il  declaire  ce  qu'il  n'oublie  pas  en  ses  autres  livres,  que  iamais  Dieu  n'a  voulu  estre  servi  en  ceste  sorte-la,  et  qu'il  a  tousiours  expressement  interdit  les  images  en  cas  de  religion,  et  menace  son  peuple  d'horribles  punitions,  si  on  ne  se  contentoit  de  ceste  simplicite,  en  s'y  arrestant  sans  attenter  plus  outre.  Quand  il  n'y  auroit  que  le  texte  seul  du  second  commandement,  ce  seroit  bien  assez.  Car  Dieu  dit,  comme  Moyse  l'avoit  escrit  au  20.  d'Exode,  et  derechef  l'a  enregistre  tout  au  long  au  cinquiesme  de  ce  livre:  Tu  ne  te  feras  image  taillee  (et  afin  qu'on  ne  s'arreste  point  a  une  espece  pour  user  de  tergiversation,  il  adiouste)  ne  semblance  quelconque  des  choses  qui  sont  la  sus  au  ciel,  ne  ci  bas  en  la  terre,  ni  es  eaux  qui  sont  dessous  la  terre.  D'avantage  pour  monstrer  qu'il  ne  veut  point  qu'on  leur  attribue  aucune  partie  de  son  service,  tant  petite  qu'on  la  face,  il  adiouste:  Tu  ne  t'enclineras  point  a  icelles,  et  ne  les  serviras.  Pour  le  dernier,  il  y  adiouste  une  menace  horrible  et  espouvantable,  quHl  fera  vengeance  sur  les  transgresseurs,  et  leurs  enfans  en  la  troisiesme  et  quatriesme  generation.  Ce  commandement  donc  est  couche  en  termes  si  expres,  que  la  chose  est  toute  claire.  Et  voila  pourquoy  les  galans  qui  ont  tenu  le  peuple  en  erreur,  voyans  le  grand  profit  qu'eux  et  leurs  ventres  recevoyent  par  le  moyen,  ou  a  l'occasion  des  images  meslees  parmi  la  religion,  ont  trace  ce  second  commandement,  et  mis  le  dernier  en  deux,  afin  que  le  nombre  de  dix  s'y  trouvast  tousiours.  Mais  outre  cela  Moyse  en  ce  livre  en  baille  tant  souvent  l'exposition,  et  en  tire  des  remonstrances  si  vives  et  pressantes,  que  quand  on  n'y  veut  point  donner  lieu  auiourdhuy,  c'est  bien  le  proverbe  accompli:  Qu'il  n'y  a  point  de  pire  sourd,  que  celui  qui  ne  veut  pas  entendre:  et,  Qu'il  est  tout  presche  qui  n'a  cure  de  bien  faire.  Car  quant  a  tous  les  argumens  qu'aucuns  ont  allegue  ces  dernieres  annees  a  ce  propos,  combien  qu'on  les  ait  souvent  reschauffe,  ils  sont  toutesfois  si  morfondus  qu'ils  n'ont  force  ne  vigueur,  pour  donner  sainctete  aux  images  es  temples  des  Chrestiens:  comme  il  fut  bien  monstre  en  temps  et  lieu  ausdits  contredisans,  et  sera  tousiours  quand  ils  voudront  donner  audience.  Or  quant  a  nous,  nous  avons  d'un  coste  a  continuer  en  prieres  a  Dieu,  qu'il  luy  plaise  toucher  avec  efficace  par  son  S.  Esprit  les  coeurs  des  peuples  et  des  conducteurs  d'iceux,  pour  bien  entendre  ce  point,  qui  seroit  bien  pour  appaiser  l'ire  de  Dieu,  et  donner  grande  ouverture  de  reformation,  qui  pourroit  suyvre  de  mieux  en  mieux:  aussi  d'autre  part  nous  avons  a  nous  confermer  en  la  certitude  infallible  de  la  saincte  religion  Chrestienne,  et  vraye  foy  Apostolique,  que  nous  tenons  avec  les  autres  sainctes  Eglises  reformees.  Touchant  ce  poinct,  il  n'y  a  doute  que  ce  nous  est  une  forteresse  invincible,  que  nous  pouvons  d'aage  en  aage  remarquer  ceci:  assavoir  premierement,  que  la  vraye  Eglise  Apostolique  et  primitive  a  este  sans  images  en  ses  sainctes  assemblees,  fust  es  temples  ou  ailleurs,  et  n'a  point  voulu  que  le  peuple  se  prosternast  devant  icelles,  ou  qu'on  luy  en  proposast:  qu'ainsi  auparavant  s'estoit  gouvernee  l'Eglise  des  Iuifs  apres  le  retour  de  Babylone,  qu'en  la  captivite  mesmes  les  bons  fidelles  avoyent  garde  ceste  defence:  et  si  on  monte  plus  haut,  que  les  vrais  Prophetes  sont  louez  d'avoir  crie  contre  les  images,  et  les  manieres  de  faire  des  adorateurs  d'images:  et  les  saincts  Rois  sont  prisez  de  Dieu,  d'avoit  oste,  racle  et  extermine  d'entre  leurs  peuples  les  occasions  de  telles  superstitions:  qu'auparavant  les  rois  autant  en  avoyent  fait  les  bons  iuges  et  gouverneurs:  que  Moyse  mesme  (duquel  l'anciennete  surmonte  tous  autres,  desquels  il  y  ait  eu  livres  de  long  temps)  en  a  ainsi  parle  et  besongne  conformement,  pource  qu'il  avoit  et  l'administration  de  la  doctrine,  et  le  gouvernement  politique  ensemble:  ce  qui  n'a  depuis  este  ordinaire  es  autres.  Voila  donc,  voila  la  vraye  Eglise  catholique  du  coste  de  ceux  qui  suyvent  l'Evangile,  quoy  qu'on  vueille  dire.  Cependant  estans  delivrez  de  l'idolatrie  exterieure,  nous  avons  bien  a  regarder  de  pres  que  nostre  vie  soit  conforme