20:583  583  EPISTOLAE  4268.4271  584  in  mentem  veniat  quum  aliquid  ex  te  opto,  alias  vero  nunquam.  Nae  ego  negligentiae  abs  te  merito  accusari  possim  qui  annis  iam  abhinc  sex  humaniter  abs  te  acceptus  ac  multis  officiis  cumulatus  ne  verbum  quidem  ad  te  tamen  ex  eo  tempore.  Equidem,  ut  quod  res  est  ingenue  fatear,  (quid  enim  mentiar  apud  tam  pium  virum?)  non  possum  ullam  meae  taciturnitatis  excusationem  veram  adferre.  Verum  scis  quid  huius  loco  reponere  constituerim?  Multas  et  percrebras  literas  quibus  te  ita  posthac  obruam  ut  taciturnitatem  priorem  sis  desideraturus.  Sed  ut  ad  id  quod  ex  te  scire  tantopere  cupio  veniam:  incidit  nuper  inter  fideles  quosdam  veraeque  religionis  amanteis  quaestio:  Utrum  liceret  fideli  infidelem  ducere  uxorem?  Erat  enim  inter  eos  quidam  cui  se  occasio  ducendae  eiusmodi  uxoris  obtulerat:  quumque  caetera  omnia  illi  convenire,  et  mores  et  forma  et  fortunae  puellae,  viderentur,  vera  tamen  evangelii  cognitio  deesset,  se  nihil  prius  acturum  iuravit  (ut  est  pius)  quam  sciret  num  id  sibi  per  scripturas  sacras  liceret.  Hic  multi  licere  *)  adfirmabant.  Quid  enim?  aiebant,2)  an  ii  numero  infidelium  sunt  habendi  qui  Christum  venisse  fatentur,  in  interpretatione  tantum  quorundam  locorum  dissentiunt?  Alii  negabant.  Ego  vero  id  abs  te  tractatum  quodam  loco  me  putare  dixi.  Arbitrabar  enim  te  in  commentario  sexti  capitis  2  ad  Corinth,  fuse,  ut  locus  postulare  videbatur,  id  docuisse.  Sed  aliter  rem  habere  intellexi  ubi  commentarium  perlegi.  Quae  res  efficit  nunc  ut  abs  te  miris  modis  efflagitem  ne  graveris  nobis  hunc  scrupum  eximere.  Id  quod  te  effecturum  facile  ex  eo  coniicio  quod  neminem  unquam  viderim  qui  se  plus  aliis  natum  existimaret  quam  te  unum.  Dabis  igitur  operam,  si  placet,  ut  nos  per  eum  qui  ad  te  has  adfert,  modo  per  alia  negotia  commode  id  possis,  quid  de  hac  quaestione  sentiendum  vere  sit  doceas.  Efficies  enim  hac  via,  certo  scio,  quod  tu  maxime  cupis,  ut  hac  in  parte  fideles  non  tantum  sibi  posthac  permittant  quam  fecerunt  plerique  hactenus.  Vale,  vir  optime,  et  ecclesiam  vestram3)  nostro  nomine  si  placet  saluta.  Nostra  sane,  ut  se  tibi  plurimum  debere  fatetur,  ita  etiam  suum  Calvinum  diu  superstitem  atque  incolumem  fore  optat  et  precatur.  Lutetiae  4.  Kalendas  Martias.4)  Quo  in  statu  sint  hic  res  omnes  non  gravarer  perscribere,  nisi  et  vos  iam  probe  omnes  tenere  existimarem,  et  si  quid  praeterea  desiderabitis  satis  4268.1)  licitum  ��.  2)  dicebant  i  .  3)  veram  %.  4)  Anni  omnino  incerti.