7:582  sentientes,  eos  velut  eiusdem  communionis  cives,  et  cor~  poris  eiusdem  membra,  etiamnum  uno  spiritu  et  vinculo  caritatis  nobiscum  colligatos,  salutem  nostram  appetere,  et  malis  nostris  indolere:  ideoque  pro  necessitatibus  nostris  apud  communem  Deum  patrem,  per  Iesum  Christum  communem  [pag.  61]  omnium  mediatorem,  interpellare.  Quod  ut  faciant,  ipsum  ius  communionis  qua  nobis  iuncti  sunt,  simul  et  praeceptum  eos  adducit:  Orate,  inquit,  Iacobus  (5,  16),  pro  invicem  ut  salvemini:  et  caritas  qua  erga  nos  afficiuntur,  suadet  et  monet,  et  ea,  qua  apud  Deum  nunc  pro  se  securi  et  ab  infirmitatibus  et  defectibus  immunes  vivunt,  facultas  non  prohibet:  quodque  eos  in  alia  vita  facere  apertis  scripturae  testimoniis  cognovimus,  2  Machab.  15  (v.  12),  ubi  Onias  conspicitur  manus  protendens,  et  orans  pro  populo:  et  alius  vir,  aetate  et  gloria  mirabilis,  de  quo  dicitur:  Hic  est  fratrum  amator  et  populi  Israel:  hic  est  qui  multum  orat  pro  populo  et  universa  sancta  civitate  Hierusalem,  Ieremias  propheta.  Et  Zachariae  primo  (v.  12)  angelus  pro  civitatibus  Iuda  interpellat:  Domine  exercituum,  usque  quo  non  misereberis  Hierusalem,  et  urbium  Iuda,  quibus  iratus  es?  Hac  fide,  sicut  eorum  qui  nobiscum  in  carne  vivunt,  ita  et  sanctorum  apud  Deum  viventium  preces  pro  nobis  postulamus:  et  ut  pro  nobis  orent,  eos  nominatim  appellamus,  nec  dubitamus  quin  ei,  qui  potest  omnia,  facile  sit  efficere,  sive  per  angelorum  ministeria,  sive  alia  sibi  placita  ratione  et  via,  ut  nostras  petitiones  sanctis  resciscant,  qui  utique  hoc  praestat,  ut  angeli  peccatoris  conversionem  [pag.  62]  in  coelo  cognoscentes  gaudio  exsultent  (Luc.  15,  7).  Merita  vero  sanctorum  non  talia  esse  asserimus,  qualia  in  Christo  invenimus,  qui  semetipsum  pro  nobis  impendens,  et  sanguinem  suum  pro  nobis  fundens,  plenam  cum  Deo  reconciliationem  mundo  promeruit.  Sancti  vero  merita  sua,  quibus  et  ipsi  salvati  sunt,  et  nobis  suffragantur,  ex  eodem  omnis  salutis  et  totius  meriti  fonte,  Christi  videlicet  passione,  hauserunt  Non  enim  si  iustitiae  rigorem  spectemus,  cuiquam  sanctorum  operationes  suae,  quantumvis  fructuosae,  ad  propriam  salutem  suffecissent,  iuxta  illud:  Non  iustificabitur  in  conspectu  tuo  omnis  vivens  (Psal.  143,  2).  Et  illud  Christi:  Si  feceritis  omnia  quae  praecepta  sunt  vobis,  dicite:  Quia  servi  inutiles  sumus  (Luc.  17,  10).  Et  illud  Pauli:  Non  sunt  condignae  passiones  huius  temporis,  ad  futuram  gloriam  quae  revelabitur  in  vobis  (Rom.  8,  18).  Ex  Dei  au~  tem  misericordia  et  liberalitate,  et  Christi  gratia,  non  solum  ipsis  ad  salutem  sanctorum  merita  conducunt:  sed  etiam  nobis  ad  protectionem  et  gratiae  divinae  impetrationem  prosunt,  Deo  in  eis  misericorditer  complente,  quod  veraciter  promisit,  quum  ait:  Ego  sum  Deus  tuusl)  fortis,  zelotes,  visitans  iniquitates  filiorum  1)  tuus  omitt.  edd.  authenticae.  37*