5:582  les  anciens  conciles,  n'ont  point  este  si  durs  a  l'encontre  de  ceulx  qui  se  marioyent  contre  leur  voeu,  que  sont  les  nouveaulx  decretz.  Mais  il  y  a  une  reigle  certaine:  que  tout  voeu  faict  contre  le  commandement  de  Dieu,  est  de  nulle  valeur.  Puis  donc  que  ce  voeu  de  continence  est  totalement  contrevenant  a  la  saincte  parole  du  Seigneur  Dieu  en  ceux  qui  ne  sont  propres  a  la  garder,  nous  iugeons  que  le  mariage  ne  doit  estre  empesche  par  voeu  de  prestrise  ne  de  moynerie.  D'avantage,  il  y  a  plusieurs  opinions  superstitieuses  conioinctes  avec:  lesquelles  ont  merveilleusement  obscurcy  la  doctrine  de  la  iustice  de  foy,  et  du  vray  service  de  Dieu.  Siricius,  Pape  de  Rome,  commandant  aux  Prestres  d'Espaigne  de  laisser  leurs  femmes,  allegue  ce  tesmoignage:  Ceux  qui  sont  en  la  chair,  ne  peuvent  plaire  a  Dieu.  Soit  par  superstition  ou  par  bestise,  qu'il  ayt  tire  ceste  sentence  au  mariage:  a  certes  par  ce  moyen  conferme  les  opinions  perverses.  Or  comme  ainsi  soit,  qu'il  y  ayt  fantasie  supersticieuse  de  servir  Dieu,  enveloppee  avec  le  voeu,  il  est  certain  par  le  second  commandement  de  la  loy,  que  tel  voeu  ne  plaist  point  a  Dieu.  Car  quand  il  est  dict:  Tu  ne  prendras  point  le  Nom  de  Dieu  en  vain:  il  nous  est  deffendu  d'invoquer  Dieu  par  manieres  vitieuses  de  Phonnorer.  Pourtant  les  voeux  superstitieux  ne  doivent  tenir,  [fol.  85]  Comme  sont  quand  'on  estime  que  vivre  hors  mariage  soit  un  oeuvre  excellent,  pour  l'amour  duquel  Dieu  soit  faict  plus  amyable  aux  hommes;  quand  on  pense  que  le  mariage  ne  plaict  point  a  Dieu,  ou  luy  plaict  avec  difficulte  ou  que  c'est  un  estat  polluant  les  Prestres  ou  non  convenable  a  la  sainctete  des  Sacremens,  contre  ce  qui  est  escript:  Toutes  choses  sont  pures  a  l'homme  pur.  Mais  de  toute  ceste  question,  nous  nous  en  rapportons  a  noz  aultres  escriptz:  comme  du  Mariage  et  des  voeux  monastiques.  Auquel  estat,  selon  qu'il  est  maintenant,  combien  il  y  a  d'erreurs,  nous  le  declairerons  aultre  part.  Puis  que  ainsi  est,  nous  ne  vouldrions  point  que  on  renouvelast,  ou  qu'on  establist  telz  erreurs.  Et  puis  qu'en  plusieurs  lieux,  les  Pasteurs  ecclesiastiques,  les  maistres  d'Escolles,  et  paoures  escoliers,  ont  faulte  de  gaiges:  la  necessite  publique  requiert,  qu'on  leur  en  ordonne  du  revenu  des  Monasteres.  Nul  gendarme  ne  sert  a  ses  propres  despens,  dit  sainct  Paul.  Et  ces  richesses  ont  este  donnees  a  l'Eglise,  pour  conserver  le  ministere  et  les  lettres.  Pourtant,  que  de  la  on  prenne  gages  et  pensions,  affin  que  l'Eglise  ayt  des  Pasteurs  et  des  Docteurs:  et  qu'on  ayt  de  quoy  nourrir  les  paoures  escoliers.