49:582  bles.  Quand  le  peuple  s'est  mal  porte,  et  a  mescognu  la  grace  qui  luy  estoit  offerte,  Dieu  les  a-il  lors  espargnez?  Nous  voyons  que  pour  un  iour  il  en  a  este  desfait  vingt  et  trois  mille,  l'autre  fois  quatorze.  Il  y  a  eu  des  vengences  qui  doyvent  faire  dresser  les  cheveux  en  la  teste  a  tous  ceux  ausquels  on  les  recite.  Puis  qu'ainsi  est  donc,  maintenant  fautil  que  nous  levions  les  cornes,  et  qu'en  nous  flatans  nous  cuidions  estre  eschappez  de  la  main  de  Dieu?  Parquoy  gardons-nous  de  mespriser  le  bien  que  Dieu  nous  aura  donne  :  mais  faisons-en  nostre  profit,  tellement  qu'il  soit  glorifie  au  milieu  de  nous;  car  si  nous  foulons  les  graces  de  Dieu,  il  est  tousiours  Iuge,  et  par  ces  exemples  nous  a  monstre  ce  qui  nous  adviendra.  Aussi  les  histoires  qui  sont  escrites,  ne  sont  pas  seulement  afin  que  nous  scachions  ce  qui  est  advenu  du  temps  iadis,  mais  que  nous  contemplions  comme  en  une  peinture,  que  Dieu  ne  souffrira  point  les  pechez  impunis,  d'autant  qu'une  fois  il  a  monstre  comme  il  les  hait.  Voyla  donc  les  paillardises,  voyla  l'idolatrie,  voyla  les  meschantes  cupiditez,  voyla  les  murmures  et  rebellions  qui  ont  este  chastiees  au  peuple  d'Israel.  Dieu  n'a  point  change  de  nature,  ni  de  propos:  et  ainsi  estimons  que  quand  nous  ensuyvrons  ceux-la,  il  faudra  que  nous  soyons  enveloppez  en  leur  malediction.  Nous  voyons  donc  maintenant  a  quoy  sainct  Paul  a  pretendu:  mais  pource  que  quelqu'un  paraventure  eust  pense  qu'on  pouvoit  alleguer  quelque  diversite  entre  le  peuple  d'Israel  et  les  fideles  qui  sont  auiourd'huy  baptizez  au  nom  de  nostre  Seigneur  Iesus  Christ,  sainct  Paul  declare  qu'il  ne  faut  point  que  nous  cerchions  une  condition  meilleure:  car  Dieu  les  a  conioints  et  unis  tellement  a  nous,  que  si  nous  faillons,  il  ne  sera  point  question  de  nous  separer  de  leur  rang,  mais  plustost  il  faudra  que  nous  soyons  comme  attachez  a  la  malediction  qui  leur  est  advenue.  Yray  est  encores  que  quand  tout  sera  bien  regarde,  nous  sommes  plus  coulpables  que  les  enfants  d'Israel,  et  moins  a  excuser,  car  si  Dieu  a  este  plus  liberal  envers  nous,  tant  moins  avons-nous  d'excuse,  si  nous  ne  sommes  du  tout  adonnez  a  son  service:  et  quand  ses  graces  seront