40:582  aliquid  proprium  quisque  appeteret,  unde  posset  honorem  et  existimationem  sibi  acquirere  coram  mundo:  nihil  tale:  sed  satis  illis  fuit,  illustrare  Dei  nomen  apud  incredulos:  deinde  se  eripi  a  morte,  Dei  beneficio.  Ergo  merito  dicit  Daniel  sibi  patefactum  fuisse  somnium  regis  cum  interpretatione  eius:  et  hoc  postea  etiam  transfert  ad  socios  suos.  24.  Itaque  ingressus  est  Daniel  ad  Arioch,  quem  praefecerat  rex  ad  perdendum  (ad  occidendum)  sapientes  Babylonis:  venit  ergo,  et  sic  loquutus  est  ei,  Sapientes  Babylonis  ne  perdas:  introduc  me  ad  regem  j  et  interpretationem  regi  indicabo.  Antequam  Daniel  perferret  nuntium  regi  (sicuti  heri  visum  est)  defunctus  est  officio  pietatis,  ut  debuit.  Testatus  enim  est  gratitudinem  suam  erga  Deum,  quod  arcanum  patefecisset.  Nunc  vero  dicit  se  venisse  ad  Arioch,  qui  missus  fuerat  a  rege  ad  occidendos  magos,  et  rogasse  ne  interficeret  illos:  se  enim  habere  revelationem,  de  qua  postea  dicetur.  Hic  notandum  est,  fuisse  iam  aliquos  ex  magis  interfectos,  sicuti  etiam  dixi.  Neque  enim  unquam  ausus  fuisset  Arioch  post  acceptum  regis  mandatum  differre  vel  ad  paucos  dies:  sed  interposita  fuit  mora,  postquam  Daniel  spatium  aliquod  temporis  sibi  dari  petiit.  Tunc  ergo  desiit  Arioch  ex  regis  iussu  saevire  contra  magos.  Nunc  Daniel  rogat,  ut  parcat  reliquis.  Videtur  tamen  hoc  parum  consulte  facere,  quia  optandum  fuit,  ut  artes  illae  magicae  prorsus  abolerentur.  Vidimus  enim  antehac,  fuisse  praestigias  diaboli.  Potest  responderi,  quod  Daniel,  etiamsi  videret  multa  esse  vitia  et  corruptelas  in  magis  et  illorum  arte,  vel  scientia,  vel  falsa  et  fallaci  professione  scientiae,  tamen  quoniam  erant  vera  principia,  noluerit  prorsus  deleri  quod  a  Deo  profectum  erat.  Sed  mihi  videtur  aliud  fuisse  consilium  Danielis.  Quanquam  enim  poterant  sine  magna  iactura  prorsus  deleri  magi,  tamen  respexit  potius  ad  causam.  Et  ideo  voluit  hominibus  ipsis  parci.  Saepe  continget  vocari  in  discrimen  homines  sceleratos,  et  qui  decem  mortes  meriti  sunt:  caeterum  si  non  puniantur  iusta  causa,  tamen  debemus  parcere  eorum  personis,  non  quod  digni  sint,  sed  quia  semper  nobis  tenenda  est  aequitas  et  rectitudo.  Probabile  igitur  est  quum  Daniel  videret  tyrannicum  fuisse  illud  imperium  regis  de  caede  magorum,  hic  occurrere,  quia  videret  ipsos  occidi  saeva  illa  et  crudeli  violentia,  quoniam  nulla  subierat  ratio.  Ego  igitur  sic  existimo,  Danielem  magis  parcere,  non  propter  ipsorum  personas.  Vult  quidem  eas  salvas  esse,  sed  propter  alium  finem,  quia  scilicet  exspectandum  fuit  dum  poenas  de  illis  Deus  sumeret.  Non  maturuerat  ipsorum  iniquitas,  ut  subito  traherentur  ad  poenam  ob  indignationem  regis.  Non  37*