32:582  qu'il  nous  enseigne,  et  face  cognoistre  sa  volonte  selon  qu'il  nous  la  monstre  en  sa  parole:  et  pour  ce  faire  qu'il  nous  ouvre  les  yeux,  afin  que  nous  entendions  ce  qui  est  la  comprins  et  contenu.  Et  c'est  la  somme  de  ce  Huictain  que  nous  avons  maintenant  a  exposer  Car  David  ne  demande  a  Dieu  sinon  qu'il  cognoisse  le  eontenu  de  la  Loy,  et  de  sa  doctrine,  et  qu'il  s'y  regle,  et  que  toute  sa  vie  soit  la  formee.  Mais  en  premier  lieu  il  allegue  a  Dieu  les  bien-faits  qu'il  avoit  desia  receus  de  luy.  Comme  c'est  ce  qui  nous  doit  donner  confiance,  quand  nous  venons  pour  faire  quelque  priere  a  Dieu.  Il  n'y  a  rien  qui  nous  donne  meilleur  accez,  ne  qui  nous  asseure  plustost  d'estre  exaucez,  que  quand  nous  regardons  ses  benefices.  Comment?  I'ay  par  cy  devant  experimente  la  bonte  de  mon  Dieu:  voire,  il  m'en  a  tant  donne  d'experience  que  rien  plus.  Il  ne  faut  pas  donc  que  ie  mo  deffie  de  luy,  que  ie  doute  qu'il  ne  me  vueille  ottroyer  maintenant  ce  que  ie  luy  demande:  veu  que  i'ay  une  telle  approbation  de  son  amour  qu'il  est  tousiours  prest  de  m'eslargir  de  ses  biens.  Quand  i'en  ay  desia  tant  receu,  faut-il  maintenant  que  ie  pense,  Comment  en  sera-il?  ascavoir  si  ie  pourray  obtenir  ce  que  ie  vay  prier?  Si  nous  sommes  en  telle  doute,  nous  faisons  iniure  a  Dieu,  et  monstrons  qu'il  y  a  de  l'ingratitude,  qui  est  en  nous  :  car  iamais  il  ne  nous  fait  du  bien  que  ce  ne  soit  pour  nous  communiquer  de  sa  misericorde  et  de  sa  grace,  laquelle  il  veut  continuer  envers  nous  iusques  en  la  fin:  car  il  ne  se  lasse  iamais  a  nous  eslargir  de  ses  biens,  comme  les  hommes  se  taschent  si  on  les  employe  par  trop,  et  se  retirent.  Mais  Dieu  n'est  pas  tel,  c'est  une  fontaine  qui  ne  se  peut  iamais  espuiser.  Voyla  donc  a  quoy  tend  ce  qui  est  dit  yci  au  premier  verset:  Seigneur,  tu  as  fait  du  bien  a  ton  serviteur.  David  n'ailegue  point  cecy  pour  se  mesfier  que  Dieu  ne  doyve  luy  faire  plus  de  biens  que  iamais.  Au  contraire,  pource  que  desia  il  avoit  tant  experimente  la  grace  de  Dieu,  il  se  veut  re-  37*