7:581  581  INTERIM.  582  pro  regibus  et  omnihus  qui  in  sublimitate  constituti  sunti  ut  quietam  et  tranquillam  vitam  agamus  in  omni  pietate  et  castitate  (1  Tiro.  2,  1  sq.)?  ecclesia  in  celebratione  sacrificii  altaris,  iuxta  Augustini  sententiam,  plene  et  examussatim  observat,  dum  obsecrationes  facit,  antequam  illud,  quod  est  in  Domini  mensa,  incipiat  benedici:  orationes  vero,  quum  benedicitur  et  sanctificatur  :  postulationes  autem,  seu  interpellationes,  quum  populus  benedicitur,  et  misericordissimae  potestati  commendatur.  Quibus  peractis,  et  participato  sacramento,  gratiarum  actio  cuncta  concludit.  Vide  Augustinum  Epistola  59  ad  Paulinum,  ubi  ritum  celebrandi  [pag.  59]  sacrificii  altaris,  qualem  hodie  observat  ecclesia,  perspicue  agnosces.  Sed  et  apud  alios  omnium  aetatum  viros  catholicos  hunc  ritum  receptum  et  confirmatum  videre  licet,  qui  admixtas  in  celebratione  huius  sacrificii  preces,  et  gratiarum  actiones,  et  ipsam  hostiam  solenni  prece  consecrari  solitam,  magno  consensu  meminerunt,  de  qua  re  Chrysostomus  in  Matthaeum  homilia  83,  de  Sacerdotio  libro  tertio,  Basilius  Magnus  de  Spiritu  sancto  capite  27,  Theophylactus  in  cap.  la  Marci,  Gregorius  Epist.  63  ad  Ioannem  Episcopum  Syracusanum,  Ambrosius  de  Sacramentis  libro  quarto,  capite  5  qui  et  hunc  canonem,  quo  nunc  utitur  ecclesia  paene  secundum  singula  eius  verba,  passim  in  libris  a  se  editis  recenset  De  memoria  sanctorum  in  altaris  sacrificio  fieri  consueta,  et  de  eorum  intercessione  inibi  expedita,  et  obiter  de  sanctorum  invocatione.  Quum  itaque  in  hoc  altaris  sacrificio  immensi  istius  beneficii  memoriam  recolamus,  quo  Christus  semetipsum  pro  totius  corporis  sui  mystici,  id  est,  pro  omnium  credentium  incolumitate  et  salute  hostiam  fecit,  ibique  secundum  Domini  exemplum  et  apostoli  commonitionem,  pro  totius  ecclesiae  incolumitate  [pag.  60]  preces  ad  Deum  fundendae,  et  pro  omnibus  eius  beneficiis  gratiae  agendae  sint:  ecclesia  intra  sese  omnia  sua  membra  colligens,  eorum  etiam  memoriam  facit,  qui  hac  mortalitate  exuti,  apud  Dominum  vivunt,  et  in  primis  grata  veneratione  Deo  dilectos  sanctos  complectens,  pro  his  gratias  Deo  agit,  qui  eos,  quum  natura  imbecilles  essent,  gratiae  suae  munere  ita  roboravit,  ut  vitia  carnis  superarent,  et  contra  peccatum,  diabolum  et  mortem,  non  sua  sed  Dei  virtute  fortes,  viriliter  dimicando,  coronam  iustitiae  a  iusto  iudice  impetrarent.  De  huius  gratiarum  actionis  pro  sanctis  auiquitate  et  consuetudine,  per  totam  ecclesiam  divulgata,  vide  apud  Dionysium  Areopagitam,  Cyprianum  lib.  3  Epist.  6,  lib.  a  Epist.  5,  Augustinum,  de  civitate  Dei  Ub.  8  cap.  27,  lib.  22  cap.  10,  contra  Faustum  Manich.  Ub.  20  cap.  2L  Nec  solum  veneramur  sanctos,  et  pro  his  gratias  agimus,  sed  eorum  precibus  et  meritis  in  omnibus  divinae  protectionis  auxilio  muniri  postulamus,  recte