6:581  QUE  DOIT  PAIRE  UN  .HOMME  FIDELE  ENTRE  LES  PAPISTES.  de  profiter,  nous  employer  fidelement  a,  sanctifier  son  Nom.  Et  d'autant  que  le  courage  [page  109]  nous  defaut  en  cest  endroict,  nous  avons  mestier  de  nous  .inciter,  stimuler,  redarguer  nostre  nonchalance,  et  en  toutes  manieres  nous  enflamber  a  faire  nostre  devoir.  En  somme  nous  avons  plus  grand  mestier  d'exhortations  que  de  reigles.  Car  combien  qu'en  general  Dieu  nous  monstre  par  sa  doctrine  ce  qui  est  de  faire:  toutesfois  il  nons  est  facile  quand  nous  venons  au  faict  de  nous  esgarer,  si  nous  ne  veillons  diligemment,  et  en  grande  sollicitude  nous  poulsions,  et  quasi  contraingnons  a  faire  nostre  devoir.  Il  ne  faut  donc  iamais  cesser,  iusques  a  ce  que  nous  soyons  venuz  a  ce  poinct,  et  a  ceste  raison  de  ne  laisser  nulle  occasion  de  glorifier  nostre  Dieu.  A  quoy  doit  tendre  la  principalle  estude  de  nostre  vie.  Si  est-ce  neantmoins,  que  nous  pouvons  bien  resouldre  quelque  chose  de  ce  que  doit  eviter  celuy  qui  veut  rendre  tesmoignage  de  sa  Chrestiente,  [page  110]  tel  qu'il  est  requis  de  tous  enfans  de  Dieu.  C'est  assavoir,  qu'il  ne  se  doit  entremettre  en  aucune  ceremonie  ou  il  y  ait  impiete  manifeste.  Car  comme  ainsi  soit,  que  les  ceremonies  que  Dieu  a  institue  soyent  exercises  1)  pour  nous  entretenir  en  son  service  et  en  l'honneur  dc  son  Nom:  comme  en  les  observans  nous  testifions  que  nous  sommes  ses  serviteurs,  ainsi  quiconques  en  observe  de  contraires  a  sa  gloire  (comme  celles  ou  il  y  a  idolatries  et  meschantes  superstitions)  il  pollue  le  Nom  de  Dieu  et  se  contamine  soymesme.  Ce  que  le  Seigneur  monstre,  disant,  que  ses  serviteurs  luy  chanteront  louange,  fleschirontle  genouil  devant  sa  Maieste,  adoreront  en  son  Temple,  ot  luy  rendront  hommage  a,  luy  seul:  au  contraire,  qu'ilz  ne  fleschiront  point  le  genouil  devant  Baal,  et  ne  baiseront  point  les  idoles  pour  adorer,  ne  iureront  point  au  nom  d'aucun  dieu  estrange.  En  toutes  ces  locutions2)  il  [page  l  l  l  ]  signifie,  que  ses  serviteurs,  non  seulement  se  contiendront  en  purete  de  conscience:  mais  se  garderont  de  faire  exterieurement  chose  aucune  qui  contrevienne  a  son  honneur.  De  cest  article  nul  ne  peut  faire  doubte.  Quand  on  vient  a  discerner,  quelles  sont  les  ceremonies,  dont  l'homme  chrestien  se  peut  maculer,  3)  et  celles  qu'il  peut  observer  sans  offense:  en  cela  il  y  a  quelque  difficulte.  Combien  que  nous  pouvons  avoir  pour  entree  une  difference  certaine,  c'est  qu'il  y  a  aucunes  ceremonies  procedees  de  legiere  erreur,  ou  bien  qui  sont  venues  de  bonne  origine,  et  apres  ont  este  aucunement  depravees:  les  autres  1)  exercees  1566  suiv.  2)  En  toutes  ces  manieres  de  parler  1611.  3)  souffler  1611.