5:581  ACTES  DE  RATISBONAE.  De  la  deffence  du  mariage.l)  L'autheur  du  livre  se  complainct  fort  des  vices  qu'a  engendre  ceste  deffence:  et  desireroit  quelque  amendement,  mais  il  le  laisse  a  la  deliberation  et  iugement  de  ceulx  qui  ont  la  puissance  d'aviser  le  moyen  d'y  remedier,  a  scavoir  s'il  sera  bon  de  permettre  le  mariage,  ou  si  on  devra  garder  les  canons  anciens  ou  nouveaux.  Ce  pendant  il  signifie  modestement  ce  qu'il  vouldroit  qu'on  en  fist.  Nous  aussi  de  nostre  part  desirons  que  par  l'authorite  de  ceux  a  qui  il  appartient  il  fust  pourveu  au  salut  de  tant  d'ames,  et  que  ceste  loy  iniuste  fust  ostee  de  l'Eglise,  laquelle  est  source  de  vilenie  abominable.  Sainct  Paul  appelle  la  deffence  du  mariage  doctrine  diabolique  (1  Tim.  4,  3).  Ceste  sentence  est  bien  approuvee  par  l'evenement:  car  on  voit  a  l'oeil  les  meschancetes  qui  sont  sorties  de  ceste  loy;  mais  encores  au  dernier  iugement  il  apparoistra  mieulx  quelle  ruyne  le  diable  a  tire  en  l'Eglise  par  ceste  loy  et  quelle  multitude  d'ames  il  a  mis  en  perdition.  Car  ceste  voix  celeste  est  vraye:  Les  paillars,  adulteres  etc,  ne  possederont  point  le  Royaume  de  Dieu.  Il  y  a  plusieurs  livres  escriptz  de  noz  gens,  ou  il  est  clairement  monstre  que  ceste  defence  est  contraire  et  repugnante  au  droict  divin  et  naturel.  Pourtant  comme  ainsi  soit  qu'il  faille  plustost  obtemperer  a  Dieu  qu'aux  hommes,  ceux  qui  sont  ydoines  au  mariage  font  bien,  de  ce  qu'ilz  ayment  mieux  honestement  vivre  en  mariage,  que  hors  mariage  vilainement  ou  avec  peril.  Sainct  Paul  commande  qu'un  prestre  soit  marie.  Or  la  sentence  d'un  Apostre  doit  bien  estre  preferee  a  toutes  traditions  humaines.  Nous  prions  donques  que  ceste  loy  tant  iniuste  et  pernitieuse  soit  abolie.  On  doit  sur  toutes  choses  avoir  en  [foi.  84]  l'Eglise  le  soing  de  bien  ordonner  le  ministere  de  l'Evangile.  Parquoy  affin  qu'on  puisse  avoir  des  ministres  propres,  craignans  Dieu  et  doctes,  il  nous  semble  qu'on  ne  doibt  point  empescher  ou  estraindre  le  ministere  par  liens  iniques.  Qu'il  soit  libre  d'eslire  ceux  qu'on  trouvera  ydoines,  soient  mariez  ou  non  mariez.  Qu'il  soit  libre  a  celuy  qui  aura  este  esleu  devant  le  mariage,  de  prendre  puis  apres  femme:  car  c'est  un  commandement  general:  que  chascun  pour  eviter  paillardise  ayt  sa  femme.  A  ce  qu'on  obiecte  du  voeu  de  continence,  nous  avons  amplement  respondu  ailleurs.  Et  de  faict,  1)  Lgttre  I.  Voyez  ct-dessus  page  559.