32:581  581  SUR  LE  PSEAUME  CXIX.  582  que  le  Diable  ne  nous  puisse  point  esbranler  en  facon  que  ee  soit.  Et  puis  qu'il  plaist  a  ce  bon  Dieu  de  nous  offrir  tant  de  remedes  pour  resister  aux  assauts  que  Satan  nous  pourroit  dresser,  que  nous  ne  les  refusions  point,  nous  en  rendans  indignes  par  nostre  ingratitude:  mais  que  nous  les  acceptions  pour  nous  en  aider  au  besoin.  Et  surtout,  ce  qu'il  nous  fait  gouster  maintenant  par  sa  saincte  parole,  attendans  qu'il  nous  monstre  plus  amplement,  et  en  plus  grande  perfection  ce  que  nons  voyons  par  foy.  Que  non  seulement  il  nous  face  ceste  grace,  mais  aussi  a  tous  peuples  et  nations  de  la  terre,  etc.  N  E  U  F  I  E  M  E  SERMON.  Du  Dimanche  5.  iour  de  Mars,  1553.  Neufieme  huietain.  TETH.  Seigneur,  tu  as  fait  grace  avec  ton  serviteur,  selon  ta  promesse.  Enseigne-moy  de  bien  iuger  et  entendre:  car  i'ay  adiouste  foy  a  tes  commandemens.  Devant  que  ie  fusse  afflige,  tierroye:  mais  maintenant  ie  garde  ta  parole.  Tu  es  bon  et  bien-faisant:  apprenmoy  donc  tes  ordonnances.  Les  orgueilleux  ont  forge  des  faussetez  contre  moy:  mais  ie  ne  laisse  de  garder  de  tout  mon  coeur  tes  commandemens.  Leur  coeur  est  gras  comme  sein:  mais  moy  ie  me  delecte  en  ta  Loy.  ll  m'est  bon  que  i'aye  este  humilie:  afin  que  V  apprenne  tes  statuts.  La  doctrine  de  ta  bouche  m'est  meilleure  que  mille  pieces  d'or,  ou  d'argent.  Si  les  hommes  sont  fols  et  mal  advisez  en  beaucoup  d'endroits,  on  le  peut  voir  sur  tout  quand  il  est  question  de  prier  Dieu:  la  ou  s'il  y  avoit  une  seule  goutte  de  bon  sens  en  nous,  elle  se  devroit  monstrer:  mais  les  hommes  descouvrent  en  cest  endroit  leur  folie  plus  qu'en  tout  le  reste.  Pourquoy?  Car  nous  aurons  plus  de  modestie  et  plus  de  simplicite  en  nous  si  nous  avons  a  faire  quelque  demande  a  un  homme  mortel,  que  quand  nous  venons  devant  Dieu:  car  nous  y  allons  a  l'estourdie,  ne  scachans  co  que  nous  luy  devons  requerir:  mais  iettans  a  la  volee  ce  qui  nous  vient  en  la  bouche.  D'autant  plus  donc  devons-nous  bien  recorder  nostre  lecon,  afin  de  scavoir  quelle  est  la  regle  de  bien  prier.  Car  nous  profanons  le  nom  de  Dieu,  et  monstrons  bien  que  nous  mesprisons  par  trop  sa  maieste,  si  nous  luy  demandons  autre  chose,  sinon  ce  qu'il  nous  a  declare  luy  estre  agreable,  tellement  que  sa  volonte  aille  tousiours  devant,  et  qu'elle  domine  par  dessus  tous  nos  appetis.  Or  en  ce  passage  nous  avons  un  advertissement  qui  est  bien  utile  a  ce  propos:  c'est  ascavoir,  que  sur  tout  nous  devons  supplier  a  Dieu