9:580  ecclesiae,  cui  peculiariter  sum  obstrictus,l)  sed  [pag.  39]  ad  omnes  ecclesias  quibus  possum  subsidiis  iuvandas  confero.  Docendi  munere  sic  defungor,  ut  in  summa  fide  et  diligentia  nulla  ambitio  appareat.  Multas  molestias  devoro,  tolero  multorum  ruditatem,  nullius  potentia  impeditur  mea  libertas.  Itaque  magnis  per  adulationem  non  indulgeo,  nullas  metuo  offensiones,  nulli  me  hactenus  inflarunt  prosperi  successus:  sicuti  multis  et  gravibus  procellis  iactatus  eas  intrepide  sustinui,  donec  singulari  Dei  beneficio  emergerem.  Comiter  vivo  cum  meis  aequalibus,  fideliter  amicitias  tueri  studeo.  Quid  Balduinus?  tanquam  venaticus  canis  huc  et  illuc  assidue  oberrat,  illiberalis  quaestus  causa  sordidam  iuris  nundinationem  exercet:  quae  nunc  arrisit  conditio  paulo  post  in  fastidium  venit:  inani  ostentationis  studio  deditus  quid  sit  in  publicum  prodesse  ignorat:  floreatne  an  pessum  eat  religio,  susque  deque  habet:  privatae  curae  non  tantum  otii  permittunt,  ut  de  communi  salute  et  ecclesiae  statu  cogitet:  nisi  quod  infelici  genio,  [pag.  40]  vel  fatali  quodam  morbo,  semper  ad  nocendum  satagit:  sibi  uni  addictus,  omnes  a  quibus  nihil  sperat  fastuose  despicit:  potentum  savo-'  rem  captat  sine  modo  blandis  assentationibus  :  bonis  quibus  invidet  plus  quam  ferociter  insultat:  quocunque  venit,  fax  est  prorsus  furialis  ad  excitandas  discordias:  denique  ut  neminem  unquam  sincere  dilexit,  ita  neminem  ex  probis  et  integris  Dei  cultoribus  habet  amicum.  Si  asperior  visus  fuero,  autore  Paulo  culpam  in  eum  ipsum  reiiciam  qui  me  coegit.  1)  Beza  et  Amst.  adstrictus.