6:780  ceste  matiere,  il  faut  devant  toutes  choses,  qu'il  apprenne  de  plus  priser  Dieu  et  sa  verite  que  soymesme  et  toutes  choses  mondaines.  Maintenant,  pour  venir  au  propos  dont  il  est  question,  c'est  une  chose  resolue  entre  tous,  que  l'homme  Chrestien  doit  honorer  Dieu,  non  seulement  dedans  son  cueur,  et  en  affection  spirituelle,  mais  aussi  par  tesmoignage  exterieur.  Or  l)  puis  que  le  Seigneur  a  rachepte  de  mort  nostre  corps  et  nostre  ame:  il  a  acquis  l'un  et  l'autre,  pour  an  estre  maistre  et  gouverneur.  Puis  donc  que  tant  le  corps  de  l'homme  comme  l'ame  est  consacre  et  dedie  a  Dieu:  il  faut  que  sa  gloire  reluise,  tant  en  l'un  comme  en  l'autre,  comme  dit  sainct  Paul  (1  Cor.  6,  20).  C'est  donc  une  moquerie,  de  dire  qu'il  suffise  que  l'homme  glorifie  Dieu  au  dedans  du  cueur,  sans  se  soucier  des  choses  externes,  esquelles  Dieu  n'a  nul  regard.  Car  si  le  cueur  est  bon,  ii  produira  son  fruict  au  dehors.  La  vraye  amour  produira  tousiours  louange  [page  108]  externe  de  son  Nom.  Ce  que  sainct  Paul  demonstre,  quand  il  conioinct  la  foy  du  cueur  avec  la  confession  de  bouche  (Rom.  10,  9).  Toutesfois,  ie  no  requiers  pas  d'un  chascun  une  confession  publique,  comme  si  tous  Chrestiens  estoyent  tenuz  de  monter  en  chayere,  ou  assembler  le  peuple,  pour  divulgucr  tout  ce  que  le  Seigneur  leur  a  donne  a  congnoistre  de  sa  Parolle.  Mais  ie  desire  que  l'homme  fidele  s'efforce  de  protester,  qu'il  est  serviteur  de  Dieu,  et  ce  par  les  enseignes  qui  nous  en  sont  baillees  en  son  Escriture.  Au  reste  on  no  peut  pas  determiner  par  certaines  reigles,  combien  un  chascun  so  doit  advancer  a  manifester  sa  foy,  sinon  que  nous  devons  tous  considerer  quelle  congnoissance  Dieu  nous  a  donne,  quel  moyen  il  nous  ouvre,  quelle  opportunite  ii  nous  presente:  et  selon  que  nous  avons  esperance  1)  Car,  1551  siuv.