40:580  mus  maxime  Deum,  quod  non  tantum  ornavit  nos  communi  prudentia,  ut  esset  aliquod  apud  nos  discrimen  boni  et  mali:  sed  quod  evexit  supra  communem  naturam,  et  ita  illuminavit,  ut  teneamus  quae  alioqui  longe  excederent  captum  nostrum.  Iam  ubi  pronuntiat  Daniel  lucem  esse  apud  Deum,  subaudienda  est  tacita  antithesis,  quia  subindicat  homines,  ut  iam  attigi,  circumdari  multis  tenebris,  et  quasi  palpitare  in  loco  obscuro.  Confertur  ergo  oblique  hic  hominum  habitatio  sanctuario  Dei:  quasi  diceret  propheta,  nusquam  esse  puram  et  sinceram  lucem,  nisi  in  solo  Deo.  Ergo  ubi  manemus  apud  nos,  id  est,  in  statu  nostro,  necesse  est  errare  in  caligine  vel  saltem  obtenebrari  multis  nebulis.  Huc  pertinent  eius  verba,  ne  scilicet  acquiescamus  in  modulo  nostro,  sed  potius  expetamus  a  Deo  lucem  illam,  in  qua  solus  solus  habitat.  Verum  meminerimus  interea  Deum  habitare  lucem  inaccessam,  nisi  quatenus  manum  ipse  nobis  porrigit.  Ergo  si  cupimus  fieri  participes  divinae  lucis,  caveamus  ab  audacia:  et  memores  nostrae  ignorantiae  petamus  a  Domino  nos  illuminari:  ita  lux  eius  non  erit  nobis  inaccessa,  quum  spiritu  suo  nos  supra  coelum  ipsum  ducet.  Postea  addit,  23.  Tibi  confiteor,  Deus  patrum  meorum,  et  laudo  ego  (et  ego  etiam  te  laudo),  qui  dedisti  mihi  sapientiam  et  robur,  et  num  notificasti  mihi  quae  postulavimus  abs  te:  qui  negotium  (vel,  quaestionem)  regis  patefecisti  nobis.  Convertit  Daniel  sermonem  ad  Deum,  Te,  inquit,  confiteor,  o  Deus  patrum  meorum,  et  te  laudo.  Hic  apertius  distinguit  Deum  Israelis  ab  omnibus  figmentis  gentium.  Neque  enim  frustra  epithetum  hoc  exprimit,  quod  laudet  Deum  patrum  suorum:  sed  potius  vult  in  nihilum  redigere  quidquid  sibi  fabricaverant  aliae  omnes  gentes  de  multitudine  deorum.  Hoc  ergo  tanquam  vanum  et  mendax  repudiat  Daniel,  et  ostendit  unum  Deum  Israelis  dignum  esse  omni  laude.  Caeterum  non  fundat  gloriam  Dei  in  autoritate  patrum  suorum,  quemadmodum  papistae  quum  volunt  adstruere  vel  Georgio,  vel  Catharinae,  vel  aliis  suis  quisquiliis  aliquam  summam  potentiam,  enumerant  quot  saeculis  iam  obtinuerit  error  ille:  ita  volunt  recipi  pro  oraculo  quod  consensus  hominum  approbavit.  Sed  si  religio  nitatur  hominum  consensu,  qualis  erit  eius  stabilitas?  Scimus  nihil  vanius  esse  humanis  mentibus:  Si  ponderetur  homo  (inquit  propheta  Psal.  62,  10)  cum  vanitate  in  trutina,  vanitas  ipsa  praeponderabit.  Nihil  ergo  stultius  est  illo  principio,  nempe  sentiendum  esse  de  religione  quod  valuit  multarum  aetatum  consensu.  Sed  hic  Daniel  Deum  patrum  suorum  ideo  commendat,  quoniam  patres  fuerant  Dei  filii.  Valebat  enim  apud  Iudaeos  sacra  illa