20:580  paene  Christianorum  oculos  ad  te  convertas,  ut  mea  commemoratione  nihil  ad  laudum  tuarum  cumulum  possit  accedere.  Tu  vero  tot  tantisque  animi  dotibus,  quibus  te  Deus  ad  illustrationem  sui  nominis  cumulavit,  adeo  non  turges,  ut  te  Pauli  exemplo  non  pudeat  quotidie  repuerascere,  nutricisque  in  morem  lac  praebere  infirmis  infantibus,  praemansum  cibum  in  os  inserere,  donec  adolescant  in  Christum  :  nec  tamen  interim  boni  pastoris  officium  in  te  desiderant  qui  solidiorem  cibum  appetunt.  Hoc  demum  boni  et  fidelis  dispensatoris,  sic  omnium  palata  tenere  ut  sciat  quo  quodque  cibo  gaudeat,  nimirum  ut  ubique  vitetur  fastidium,  quod  in  tanta  palatorum  varietate  difficillimum  est,  nisi  talis  sit  oeconomus  qui  verbum  veritatis  recte  novit,  ut  Pauli  verbis  utar,  OQ$OTO(JIUV.  Quare  in  tanta  paucitate  bonorum  doctorum  non  sine  gemitu  Deum  assiduis  precibus  oramus  ut  vos,  quos  verae  ecclesiae  columnas  appellare  non  dubito,  propagandae  evangelicae  doctrinae  quam  diutissime  servet  incolumes.  Decet  enim  vos  in  hac  militia  nullis  frangi  laboribus,  sed  tanquam  veteranos  milites  nunquam  cessare  in  officio,  nec  imitari  nostrorum  quorundam  ignaviam  quorum  alii  in  his  locis  dum  sunt  extra  teli  iactum  praesenti  sunt  animo,  alii  tamdiu  pedem  non  referunt  dum  ancipiti  marte  pugnatur.  At  crescente  cum  viribus  adversariorum  audacia  concidunt  animis,  desperataque  victoria  turpiter  ordinem  deserunt.  Negari  quidem  non  potest  tantam  hic  esse  tyrannidem  ut  longe  olim  mitius  actum  fuerit  cum  apostolis,  quam  hodie  cum  iis  qui  apostolorum  doctrinam  sectantur,  ut  non  iniuria  dicas,  eum  altius  divino  afflari  spiritu  quem  non  supplicii  gravitas  deterreat.  Eo  enim*  res  rediit,  ut  non  iam  sit  otium  istis  in  vitam  cuiusque  inquirendi,  sed  levis  suspicio  in  discrimen  adducit:  nec  raro  extorquet  quaestio  quae  ne  per  somnium  quidem  unquam  cogitaris.  Nec  desunt  ipevoofjiaQTVQec,  quorum  calumniis  oppressus  subito  rapiaris  ad  supplicium.  Quod  si  quem  forte  sentiant  ita  principum  favore  sublevari  ut  spes  sit  aliqua  salutis,  huic  mortem  accelerant,  ne  quis  Deus  de  improviso  appareat.  Tanta  est  sitis  sanguinis  innoxii.  Hic  quid  aliud  quam  exclamem:  O  tempora,  o  mores!  Vos  si  suspiria  nostra,  si  gemitus  audiretis  (quanquam  non  dubito  quin  ad  vos  usque  clamor  noster  perveniat,  sed  tamen,  ut  inquit  ille,  oculi  dolorem  augent)  profecto  vere  nostris  malis  afficeremini,  simulque  animos  vestros  subiret  admiratio,  quibus  artibus  Satan  conetur  ecclesiae  maceriem  diruere.  Quid  dicam  de  iis  qui  semel  gustato  dono  Dei,  quum  sua  autontate  intolerandae  tyrannidi  sese  opponere  debeant,  contra  conscientiam  tantam  ecclesiae  vastitatem  dissimulant,  quique,  dum  famae  ac  fortunis  suis  consulunt,  iniqua  iudicia  silentio  approbant,  probro  sibi  ducentes  si  vel  levissima  suspicione  aspergantur.  Et  ne  quid  impietatis