7:58  ce  Sacrement,  qui  est  adiouste  avec,  pour  la  seeller.  En  cela  nous  accordons.  Mais  il  faut  savoir  comment.  Et  c'est  ce  qui  abuse  ces  povres  phantastiques,  qu'ilz  ne  considerent  pas  le  moyen.  Quand  donc  il  y  a  un  homme  estrange  de  l'Eglise  Chrestienne,  comme  seroit  un  Turc,  ou  un  luis,  ou  quelque  Payen  que  ce  soit,  pour  le  faire  Chrestien,  il  n'est  pas  question  de  commencer  par  le  Baptesme:  mais  devant  que  le  baptiser,  il  doit  estre  instruict.  Et  tel  a  este  l'usage  de  l'Eglise  ancienne.  Car  ceux  qui  se  convertissoyent  a  la  Chrestiente,  avoyent  pour  quelque  espace  de  temps  leur  predication  a  part,  qu'on  appelloit  Catechisme.  Puis  apres  avoir  eu  tesmoignage  de  leur  foy  et  repentance,  on  les  baptisoit.  La  raison  le  veut  ainsi.  Car  puis  que  l'homme  non  seulement  est  introduit  par  le  Baptesme  en  la  communion  de  l'Eglise,  mais  aussi  y  a  son  attestation  seellee,  que  Dieu  le  recongnoit  pour  l'un  de  ses  enfans;  il  n'y  a  doubte  que  la  doctrine  ne  doyve  preceder:  par  laquelle  l'homme  soit  enseigne  de  se  convertir  a  Dieu,  avec  foy  et  repentance.  Nous  voyons  que  nostre  Seigneur  en  fit  autant  envers  [page  19]  Abraham,  quant  a≫  la  Circoncision.  Car  devant  que  luy  ordonner  ce  signe,  il  le  receut  en  son  alliance,  et  l'instruict  *)  en  sa  parolle.  Mais  nous  avons  maintenant  a  noter,  que  quand  un  homme  est  receu  de  Dieu  en  la  compagnie  des  fideles:  la  promesse  de  salut,  qui  luy  est  donnee,  non  seulement  est  pour  sa  personne,  mais  aussi  pour  ses  enfans.  Car  il  luy  est  dict:  Ie  suis  ton  Dieu,  et  le  Dieu  de  tes  enfans  apres  toy  (Gen.  17,  7).  Ainsi  l'homme,  qui  n'a  este  receu  en  l'alliance  de  Dieu  des  son  enfance,  est  comme  estranger  de  l'Eglise,  iusques  a  ce  que  par  la  doctrine  de  salut  il  soit  amene  a  foy  et  repentance.  Mais  alors  sa  semence  est  aussi  quant  et  quant  faicte  domestique  de  l'Eglise.  Et  pour  ceste  cause  les  petiz  enfans  des  fideles  sont  baptises  en  vertu  de  ceste  alliance,  qui  est  faicte  avec  leurs  peres,  en  leur  nom  et  a  leur  profit.2)  Voicy  donc  ou  s'abusent  les  povres  Anabaptistes.  Que  la  doctrine  doyve  preceder  le  Sacrement,  nous  n'y  resistons  pas.  Mais  le  tout  est,  ainsi  que  nous  avons  dict,  de  considerer  comment,  et  par  quel  moyen.  Car  quand  il  est  question  de  baptiser  un  homme  d'eage,  qui  n'aura  pas  este  Chrestien,  devant  que  venir  la,  il  faut  qu'il  soit  enseigne  de  ce  qui  est  figure  au  Baptesme.  Mais  quant  a  ses  enfans,  on  les  baptise  sur  la  doctrine  [page  20]  qu'il  a  receue:  laquelle  contient  que  J)ieu  sera  Sauveur,  non  seulement  de  sa  personne,  mais  aussi  de  ses  enfans.  Pour  en  avoir  encore  1)  1611  instruisit  (instruxerat  G.)  2)  et  a  leur  profit,  manque  dans  Ie  latin.