58:58  estre  armez,  pour  faire  nos  triomphes  contre  toutes  tentations,  quand  nous  verrons  auiourd'hui  les  ennemis  de  l'evangile  et  les  supposts  de  Satan  faire  leurs  bravades,  et  qu'il  n'y  aura  que  pour  eux,  et  que  cependant  ils  nous  despriseront  :  et  non  seulement  cela,  mais  qu'ils  nous  tiendront  comme  des  creatures  du  tout  desesperees,  comme  si  nous  n'estions  pas  dignes  d'estre  mangez  des  chiens  (comme  on  dit).  Quand  donc  nous  verrons  auiourd'hui  cela,  et  mesme  que  beaucoup  seront  comme  povres  affamez,  et  qu'ils  n'auront  pas  du  pain  a  manger,  qu'ils  n'auront  pas  ni  leurs  aises,  ni  leurs  commoditez  :  qu'il  nous  souviene  de  ce  qui  est  ici  dit,  Le  plus  grand  servira  au  moindre.  Or  ce  service  n'est  pas  avenu  du  premier  coup.  Car  nous  verrons  ci  apres  que  Iacob  s'est  venu  agenouiller  devant  son  frere,  et  l'a  appele  son  seigneur:  il  trembloit  la  comme  un  povre  agneau,  et  puis  il  lui  mettoit  tous  ses  biens  comme  en  proye.  Et  ou  est  ceste  suiettion  d'Esau?  Ou  est  la  superiorite  de  Iacob,  quand  il  s'abbaisse  ainsi?  Il  semble  que  il  quitte  tout  :  mais  il  cognoist  que  ce  n'est  pas  du  premier  iour  que  Dieu  veut  accomplir  ceci.  Voila  donc  pourquoy  il  porte  patiemment  sa  povrete,  d'autant  que  Dieu  veut  qu'il  rampe,  par  maniere  de  dire,  sur  terre:  et  toutefois  que  cela  n'empeschera  pas  que  tousiours  il  ne  parviene  au  salut  auquel  il  est  appele.  Et  pourquoy?  Car  Dieu  ne  despend  pas  de  toutes  ces  choses  terriennes-ci.  Et  qui  plus  est  (comme  i'ay  dit)  il  veut  que  nous  commencions  par  cela,  de  nous  humilier  devant  lui:  suivant  ce  que  ie  vien  d'alleguer  de  la  bouche  de  nostre  Seigneur  Iesus  Christ,  que  moiennant  que  nous  sachions  que  le  Pere  celeste  a  prins  son  bon  plaisir  en  nous,  que'  de  reste  il  ne  nous  en  chaille:  ou  bien,  que  nous  ne  soions  pas  tellement  esmeus,  que  cela  nous  desbauche,  qu'il  nous  degouste,  et  qu'il  nous  empesche  mesme  de  bien-faire:  mais  que  nous  ne  doutions  point  qu'au  milieu  des  troubles  et  fascheries  qui  nous  pourroient  avenir,  nous  aions  tousiours  dequoy  nous  resiouir.  Car  qui  nous  separera  de  l'amour  que  Dieu  nous  a  porte  en  nostre  Seigneur  Iesus  Christ?  Depuis  que  Dieu  nous  a  eleus  en  nostre  Seigneur  Iesus  Christ,  et  qu'il  nous  a  appele  a  la  Foy  de  son  Evangile,  et  qu'il  a  imprime  en  nos  coeurs  le  tesmoignage  de  son  amour  paternelle,  nous  pourrons  tousiours  despiter  nos  ennemis,  combien  que  nous  soions  petits  et  foibles,  mesmes  que  nous  ne  soions  rien  quant  a  l'opinion  commune  :  toutefois  nous  ne  laisserons  pas  d'estre  fondez  sur  ceste  promesse,  Que  les  plus  grans  serviront  aux  moindres  et  aux  petits.  Puis  qu'ainsi  est,  n'appetons  pas  d'estre  grans  selon  le  monde:  car  combien  que  nous  soions  contemptibles  et  mesprisez,  si  est-ce  que  nous  ne  laissons  pas  d'estre  heritiers  du  monde:  combien  que  nous  n'aions  ne  terres  ne  possessions,  si  est-ce  que  le  tout  nous  appartient:  et  au  con-