54:58  plus,  Qui  est-ce  qui  montera  par  dessus  les  nues��  quand  nous  avons  la  parole  en  nostre  bouche  et  en  nostre  coeur?  (comme  dit  Moyse)  Vray  est  que  si  on  pensoit  qu'un  instrument  ne  fust  pas  tire  du  vray  registre  de  son  original,  alors  on  le  revoqueroit  en  doute:  mais  quand  la  chose  est  toute  certaine,  que  faut-il  plus?  Autant  en  est-il  qu'il  ne  nous  faut  point  douter  que  Dieu  ne  nous  ait  enregistrez  devant  la  creation  du  monde  au  rang  de  ses  eleus  et  de  ses  enfans:  mais  il  s'est  reserve  cela  par  devers  soy.  Cependant  nous  avons  letres  patentes  de  nostre  salut,  nous  en  avons  un  instrument  assez  certain,  comme  i'ay  desia  declare.  Il  y  a  encores  plus,  c'est  de  tousiours  venir  a  nostre  Seigneur  Iesus  Christ,  quand  il  est  question  de  nostre  election:  car  sans  luy  (comme  nous  avons  monstre)  nous  ne  pourrons  approcher  de  Dieu.  Et  aussi  quand  on  parlera  de  son  decret,  nous  serons  estonnez  comme  coulpables  de  mort:  mais  ayans  Iesus  Christ  pour  conduite,  nous  pourrons  nous  esiouir  hardiment,  scachans  qu'il  a  assez  de  dignite  en  foy  pour  rendre  tous  ses  membres  agreables  a  Dieu  son  Pere,  qu'il  suffit  que  nous  soyons  entez  en  son  corps,  que  nous  soyons  unis  a  luy.  Voila  donc  comme  nous  avons  a  mediter  ceste  doctrine,  si  nous  en  voulons  bien  faire  nostre  profit,  suyvant  ce  qui  nous  est  ici  monstre  par  sainct  Paul  II  dit  que  ceste  grace  de  salut  nous  a  este  donnee.  Et  comment?  Devant  nul  temps,  dit-il.  Il  nous  faut  passer  par  dessus  tout  ordre  de  nature,  quand  il  est  question  de  scavoir  comme  nous  sommes  sauvez,  et  de  quelle  cause,  et  dont  cela  procede.  Au  reste,  cognoissons  que  Dieu  ne  nous  a  point  voulu  laisser  en  suspens,  et  qu'il  ne  nous  a  point  cache  son  conseil  pour  ne  scavoir  comme  il  va  de  nostre  salut,  mais  il  nous  a  appelez  a  soy,  non  seulement  quand  l'Evangile  nous  a  este  presche,  car  cela  ne  suffiroit  pas,  mais  il  a  seelle  en  nos  coeurs  le  tesmoignage  de  sa  bonte  et  de  son  amour  paternelle.  Ainsi  donc,  quand  nous  avons  une  telle  certitude,  qu'en  premier  lieu  nous  glorifions  Dieu  de  ce  qu'il  nous  a  appelez  par  sa  misericorde  gratuite:  et  au  reste,  que  nous  soyons  appuyez  sur  nostre  Seigneur  Iesus  Christ,  et  que  nous  scachions  qu'il  ne  nous  a  point  frustrez  quand  il  nous  a  fait  prononcer  qu'il  s'estoit  donne  a  nous,  et  mesmes  que  cela  nous  a  este  testifie  par  le  sainct  Esprit.  Car  la  foy  nous  est  (comme  i'ay  desia  dit)  une  marque  infallible  que  Dieu  nous  tient  pour  ses  enfans:  et  de  la  nous  sommes  aussi  conduits  a  l'election  eternelle.  Et  pourquoy?  Dieu  nous  a  appelez  (dit  sainct  Paul  au  premier  chapitre  des  Ephesiens),  selon  qu'il  nous  avoit  eleus  auparavant.  Il  ne  dit  pas  que  Dieu  nous  avoit  eleus,  pource  que  nous  avons  ouy  l'Evangile:  mais  aucontraire  il  attribue  la  foy  qui  nous  est  donnee,  a  ceste  cause  souveraine,  c'est  que  Dieu  5