52:58  rem  ita  habere.  Apparet  ex  testimonio  quod  illis  reddit,  cordatissimas  fuisse  mulieres.  Tantum  enim  illis  tribuit,  ut  vocet  commilitones  in  Evangelio.  Proinde  quum  in  earum  consensione  multum  esset  positum  momenti,  in  discordia  vero  ingens  periculum:  ad  concordiam  ipsas  peculiariter  animat.  Notandum  autem,  quoties  de  consensu  loquitur,  vinculum  etiam  addere,  in  Domino.  Nam  et  extra  Dominum  maledicta  semper  erit  omnis  conspiratio:  et  nihil  est  tam  disiunctum,  quod  non  debeat  in  Christo  recolligi.  3.  Bogo  etiam  te,  germane.  De  genere  nolo  disputare.  Virum  itaque  an  foeminam  alloquatur,  in  medio  relinquo.  Quamquam  nimis  infirmum  est  Erasmi  argumentum,  qui  mulierem  fuisse  inde  colligit,  quod  hic  mulierum  fiat  mentio:  quasi  vero  non  continuo  subiiciat  nomen  Clementis  in  eadem  causa.  Verum  ego  ab  illa  disputatione  supersedeo.  Tantum  nego  uxorem  Pauli  hoc  nomine  designari.  Qui  affirmant,  autores  citant  Clementem  et  Ignatium.  Si  vere  citarent,  non  contemnerem  certe  tantos  viros.  Sed  quum  adulterina  scripta  proferantur  ab  Eusebio  et  supposita  ab  indoctis  monachis  :  non  multum  fidei  merentur  apud  sanos  lectores.  Ergo  de  re  ipsa  citra  hominum  praeiudicium  quaeramus.  Quum  priorem  ad  Corinthios  scriberet  Paulus,  tunc  se  fuisse  coelibem  commemorat  (1.  Corin.  7,  8).  Inconiugatis,  inquit,  et  viduis  dico:  bonum  est  si  permaneant  sicut  ego  sum.  Scripsit  eam  epistolam  Ephesi,  quum  discessum  pararet.  Non  multo  post  Hierosolymam  profectus  est,  ubi  coniectus  fuit  in  vincula  et  Romam  perductus.  Quam  alienum  ducendae  uxori  fuerit  tempus,  quod  partim  in  itinere,  partim  in  vinculis  consumpsit,  nemo  non  videt.  Adde  quod  ad  subeunda  vincula  et  persequutiones  iam  tum  accinctus  erat:  quemadmodum  testatur  apud  Lucam.  Nec  tamen  me  latet  quid  obiici  contra  soleat,  Paulum  scilicet  coniugatum  abstinuisse  a  consuetudine  uxoris.  Sed  verba  aliter  sonant:  coelibes  enim  optat  posse  manere  in  sua  ipsius  conditione.  Quae  porro  est  illa  conditio,  nisi  coelibatus?  Quod  illud  adducunt  (1.  Corin.  9,  1.  5),  Annon  licet  mihi  uxorem  circumducere?  ut  illi  uxorem  fuisse  probent:  nimis  frivolum  est,  ut  nulla  solutione  indigeat.  Iam  vero  ut  demus  Paulum  fuisse  maritum:  unde  illi  uxor  Philippis?  Quam  urbem  non  saepius  quam  bis  ingressus  fuisse  legitur:  ubi  nunquam  menses  duos  integros  illum  substitisse,  credibile  est.  Denique  nihil  minus  consentaneum  quam  de  uxore  hic  loqui:  ac  ne  de  ulla  quidem  muliere  mihi  probabile.  Lectoribus  tamen  relinquo  iudicandum.  auXXajJtfiaveafrai,  quo  verbo  hic  Paulus  utitur,  est  adiuvandi  causa  idem  apprehendere  et  amplecti.  Quorum  nomina  sunt  in  libro  vitae.  Liber  vitae  catalogus  est  iustorum,  qui  praeordinati  sunt  ad