49:58  ad  doctrinam  referre  convenit,  quam  mox  gratuitae  fidei  iustitiae  testem  citat.  Quod  ad  caeremonias  quidam  restringunt,  paulo  post  inane  et  frigidum  esse  ostendam.  Bestat  ergo,  ut  operum  merita  excludi  sciamus.  Ubi  etiam  videmus  quomodo  non  admisceat  opera  Dei  misericordiae:  sed,  sublata  et  erasa  omni  operum  opinione,  solam  illam  statuat.  Neque  vero  me  latet,  Augustinum  secus  exponere:  iustitiam  enim  Dei  esse  putat  regenerationis  gratiam:  et  hanc  gratuitam  esse  fatetur,  quia  Dominus  immerentes  spiritu  suo  nos  renovat.  Ab  hac  autem  opera  legis  excludit,  hoc  est,  quibus  homines  a  se  ipsis  citra  renovationem  conantur  Deum  promereri.  Mihi  etiam  plus  satis  notum  est,  quosdam  novos  speculatores  hoc  dogma  superciliose  proferre,  quasi  hodie  sibi  revelatum.  Sed  apostolum  omnia  sine  exceptione  opera  complecti,  etiam  quae  Dominus  in  suis  efficit,  ex  contextu  planum  fiet.  Nam  certe  regeneratus  erat  Abraham  et  spiritu  Dei  agebatur,  quo  tempore  iustificatum  fuisse  operibus  negat.  Ergo  a  iustificatione  hominis  non  opera  tantum  moraliter  bona  (ut  vulgo  appellant)  et  quae  fiunt  naturae  instinctu  excludit,  sed  quaecunque  etiam  fideles  habere  possunt.  Deinde,  si  illa  est  iustitiae  fidei  definitio:  Beati  quorum  remissae  sunt  iniquitates:  non  disputatur  de  hoc  vel  illo  genere  operum:  sed  abolito  operum  merito  sola  peccatorum  remissio  iustitiae  causa  statuitur.  Putant  haec  duo  optime  convenire,  fide  iustificari  hominem  per  Christi  gratiam  :  et  tamen  operibus  iustificari,  quae  ex  regeneratione  spirituali  proveniant:  quia  et  gratuito  nos  Deus  renovat,  et  eius  donum  fide  percipimus.  At  Paulus  longe  aliud  principium  sumit:  nunquam  scilicet  tranquillas  fore  conscientias,  donec  in  solam  Dei  misericordiam  recumbant.  Ideo  alibi  postquam  docuit,  Deum  fuisse  in  Christo,  ut  homines  iustificaret:  modum  simul  exprimit,  non  imputando  illis  peccata.  Similiter  ad  Galatas  (3,  12),  legem  fidei  contrariam,  quoad  iustificandi  effectum,  ideo  facit,  quia  vitam  promittat  facientibus  quod  iubet.  Atqui  lex  non  literalem  operum  larvam  duntaxat  praecipit,  sed  sincerum  Dei  amorem.  Sequitur  ergo,  in  fidei  iustitia  nullum  operum  meritum  admitti.  Unde  constat,  frivolam  esse  cavillationem,  nos  in  Christo  iustificari,  quia  spiritu  renovemur  quatenus  sumus  Christi  membra:  nos  fide  iustificari,  quia  fide  inseramur  in  Christi  corpus:  nos  gratis  iustificari,  quia  nihil  io  nobis  Deus  inveniat  praeter  peccatum.  Nam  ideo  in  Christo,  quia  extra  nos:  ideo  fide,  quia  in  solam  Dei  misericordiam  et  gratuitas  eius  promissiones  nos  recumbere  necesse  est:  ideo  gratis,  quia  nos  sibi  reconciliat  Deus,  peccata  sepeliendo.  Neque  vero  ad  iustitiae  initium  id  restringi  potest,  quemadmodum  illi  somniant.  Nam  et  illa  definitio:  Beati  quorum  remissae  sunt  iniquitates,  in  Davide  locum  habuit,  quum  diu-se  exercuisset  in  Dei  cultu:  7